San Lucas 15:6 - Nuevo Testamento Tzeltal de Amatenango

⁶ Kꞌalal kꞌot ta snae, ya stsob tal te yamigotake sok te sbersinatake. Y jich ya yaltalanbe: “Ben kontentoukotik me, porke la jtaix tal te jkarnera te chꞌayem kuꞌune”, xchi ta yalel.

Bible in Tzeltal Bachajón

⁶ soc te c'alal ya xc'oht ta sna, ya stsob tal yamigotac soc spat xuhc, hich ya yalbe: Pajaluc me ay yutsil co'tantic, yu'un la jtahix te jcoht jtuminchij te ch'aye, xchi.

Bible in Tzeltal de Oxchuc y Tenejapa

⁶ C'alal ya xc'ot ta snae, ya stsob tel te sjo'taque soc te spat-xujq'ue, jich ya yalbey yaiyic: “Binuc nax me co'tantic ta jpisiltic yu'un, melel la jtaix te jcojt' jchij te ch'ayeme”, xi' ta yalel.

San Lucas 15:6 ပူးပေါင်းရင်းမြစ်များ

San Lucas 1:58

Kꞌalal la yaꞌiyik te sbersinatake sok te machꞌatik ma yanuke te tutꞌil bayal kꞌuxutaybil yuꞌun te Kajwaltike, ba yuluꞌtayik. Ben jun yoꞌtanik sok te sꞌElisabete.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 15:24

Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

San Lucas 15:5

Te kꞌalal la staix ae, ben kontento ya xkꞌech moel ta snejkel.

San Lucas 15:7

Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

San Juan 15:14

Te jaꞌexe kamigoex, teme jaꞌ ya apasik te tut ya kalbeyex ta jmantale.

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

Hechos 11:23

Te kꞌalal kꞌot teꞌa te jBernabee la yil te aꞌbilix bendision yuꞌun Dios te machꞌa ma juriyouke y ben jun yoꞌtan yuꞌun. La stsitstalan spisil te ben junuk yoꞌtanik ta stojol te Kajwaltike.

Hechos 15:3

Jicha tikonlanot bael yuꞌun te jtijkꞌ hermanoetik te ayik ta Antioquiae. Teꞌ kꞌaxik ta estado yuꞌun Fenicia sok ta estado Samariae. Kꞌa yaltalanbe yaꞌiy te hermanoetik te tutꞌil ay bayal machꞌa ma juriyouk te la sjilesix te tut antibo xchꞌuuneje, y la sujtesix yoꞌtanik ta stojol Dios. Spisil te hermanoetike ben jun yoꞌtanik yuꞌun te jich a yaꞌiyike.

Filipenses 1:4

y te kꞌalal ya jkꞌopon Diose, sil tiempo bayal slekil koꞌtan ya jkꞌoponbeyex Dios ta apisilik te jaꞌexe.

Filipenses 2:17

Y manchuk me ya jmal jchꞌichꞌel yuꞌun jich me ya stsꞌakay a te smajtan Dios ya awakꞌike, jaꞌ bi jaꞌ te xchꞌuunel awoꞌtanike, ya xjunub koꞌtan yuꞌun y ya xjunub awoꞌtanik yuꞌun euk ta apisilik te jaꞌexe.

Filipenses 4:1

Jaꞌ yuꞌun, kermanotak te ben kꞌuxex ta koꞌtane, te ya jnaꞌulanex, te ben xpichꞌex ta koꞌtane sok ben jun koꞌtan awuꞌunik, te jaꞌ jkoronaex kꞌoem yuꞌun Dios, sigueuk me jun awoꞌtanik ta skuenta te Kajwaltike.

1 Tesalonicenses 2:19

Porke ¿tut a te yip koꞌtantike sok te sbujtsꞌ koꞌtantike sok te jkoronatik kꞌoem te ben jun koꞌtanik yuꞌune? Jaꞌukex mismo, te kꞌalal ya sujt tal te Kajwaltik Jesucristoe.

1 Pedro 2:10

Te nail to te jaꞌexe ni ma jtejklumukex; pero te ora to jtejklumexix yuꞌun te Diose. Te nail to maꞌyuk machꞌa xpichꞌukex yoꞌtan; pero te ora to pichꞌexix yoꞌtan te Diose.

1 Pedro 2:25

Yuꞌun te jaꞌexe te nail to jachikex tutꞌil karneraetik te chꞌayemik ta bayuk nax aylane. Pero te ora to, chaꞌsujtexix tal ta stojol te Cristoe, te ya skꞌanantayex jachik tutꞌil jtul jkanan te ma xway te ya skanantay te akuxlejalike.