San Lucas 15:2 - Nuevo Testamento Tzeltal de Amatenango

² Pero te fariseoetike sok te maestroetik yuꞌun te mantaliletike lijk yaꞌbiyanik ta mukul. Jich a yalik: —Te winik to jun yoꞌtan sjoyinej sba sok ta weꞌel te jmulawiletike —xchiik ta yaꞌbiyanel ta mukul te Jesuse.

Bible in Tzeltal Bachajón

² Pero te fariseohetic soc te escribanohetic hahchic wulajanel ta stojol, hich la yalic: Ha'i winic ini ya yic'ticlan jmulawiletic soc ya sjoquinlan ta we'el, xchihic.

Bible in Tzeltal de Oxchuc y Tenejapa

² Ja'uc me to, te fariseoetic soc te jts'ibojometic caj smuquen-ayanic. Jich la yalic: —Ja' in winic to, jun yo'tan sba soc te jmulawiletique, melel ya sjoin ta we'el —xiic ta smuquen-ayanel te Jesuse.

San Lucas 15:2 ပူးပေါင်းရင်းမြစ်များ

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Mateo 9:11

Te kꞌalal la yilik te fariseoetike te jich yipal ta spasele, la sjojkꞌobe te jnopojeletik yuꞌune: —¿Tuꞌun te ya sjoyin ta weꞌel te jkꞌan-tojemaletik sok te jmulawiletik te maestro awuꞌunike? —xchiik.

San Lucas 15:3

Jich te Jesuse lijk yalbe yaꞌi te seña-kꞌop to:

San Lucas 19:7

Kꞌalal la yilik, spisil te genteetike lijk yikꞌtinik te Jesuse. Jich ya yalik: —¿Tuꞌun te ba ochuk ta sna te jmulawile? —xchiik.

San Lucas 5:30

Pero te fariseoetike sok te maestroetik yuꞌun te mantaliletike lijk yaꞌabiyanik te jnopojeletik yuꞌun te Jesuse. Jich a yalbeyik: —¿Tuꞌun te ya ajoyinik ta weꞌel-uchꞌajel te jkꞌan-tojemaletike sok te jmulawiletike? —xchiik.

San Lucas 7:34

Patil a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌae, sok te ya sjoyin jmulawiletik sok jkꞌan-tojemaletik.

San Lucas 7:39

Te fariseoe te ikꞌawan ta weꞌele la yil te tuti spas te antse. Jich a yal ta yoꞌtan: “Te jaꞌuk jꞌalwanej yuꞌun Dios te winik to, ya snaꞌ te jichuke te tutꞌil jmulawil-ants te tal pikbek yok yuꞌune”, xchi ta yoꞌtan.

Hechos 11:3

La sjojkꞌobeyik: —¿Tuꞌun te ochat ta sna te machꞌatik ma yichꞌojuk sirkunsisione y weꞌat soke? —xyutik.

Gálatas 2:12

Yuꞌun nail a weꞌ sok te machꞌatik ma juriyouke, jaꞌ to te laj kꞌot chaꞌoxtul te machꞌa tikonbil tal yuꞌun te Jacoboe. Jich lijk spit sba, y ma sjoyinlanix ta weꞌel a. Porke jaꞌ a xiꞌ yuꞌun te machꞌatik bayal skꞌoplal ay ta yoꞌtanik te sirkunsisione.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.