San Lucas 14:26 - Nuevo Testamento Tzeltal de Amatenango

²⁶ —Te machꞌa ya xtal ta jtojole, teme ma xchꞌoj ta yoꞌtan te smeꞌ-state, te yiname, te xnichꞌnabe, te sbankiltake, te xwixitake, te yijtsꞌinabe, sok te skuxlejal ta balmilale, ma spas te jnopojel kuꞌun ya xkꞌote.

Bible in Tzeltal Bachajón

²⁶ Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

Bible in Tzeltal de Oxchuc y Tenejapa

²⁶ —Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

San Lucas 14:26 ပူးပေါင်းရင်းမြစ်များ

San Mateo 10:37

“Te machꞌa ben kꞌux ta yoꞌtan te smeꞌ-state teme ma jichuk kꞌuxon ta yoꞌtane ma snujpꞌuk te kuꞌun ya xkꞌote. Sok te machꞌa ben kꞌux ta yoꞌtan te yuntikile teme ma jichuk kꞌuxukon ta yoꞌtane, ma snujpꞌuk te kuꞌun ya xkꞌote.

San Lucas 14:20

Te jtul xane la yal: “Jnupunelon to. Ma to spas xboon”, xchi.

San Lucas 14:25

Ay bayal genteetik stsꞌakliyejik te Jesuse. Te Jesuse sujt skꞌopon, jich a yalbe:

San Juan 12:25

Te machꞌa ya xkuxutay te xkuxlejale, ya me xchꞌay. Pero te machꞌa makꞌ xkuxutay xkuxlejal liꞌ ba balmilale, ya xkuxuyin sbajtel kꞌinal stukel.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.