San Lucas 14:15 - Nuevo Testamento Tzeltal de Amatenango

¹⁵ Ay jtul te machꞌa nakal sok ta mexa te Jesuse te kꞌalal la yaꞌi te tut la yale, jich a yalbe: —Ben tsaꞌam slekil te machꞌa ya xꞌikꞌot ta weꞌel te ba ay ta ajwalil te Diose —xchi.

Bible in Tzeltal Bachajón

¹⁵ C'alal hich la ya'iy te jtuhl mach'a pajal ay ta mesa soc, hich la yal: ¡Bayel me yutsil te mach'a ya swe' pan te banti ay te cuentahinel yu'un Dios! xchi.

Bible in Tzeltal de Oxchuc y Tenejapa

¹⁵ Ay jtul winic te pajal nacal ta mesa soc te Jesuse te c'alal la yaiy stojol te bila la yale, jich la yal: —Bin nax me yutsil te mach'a ya x'ic'ot ta we'el ta banti ay ta ajwalinel te Diose —xi'.

San Lucas 14:15 ပူးပေါင်းရင်းမြစ်များ

San Mateo 25:10

“Pero baemik tal ta smanel spetrolioik a te joꞌtul aꞌchetik te maꞌyuk spꞌijil yoꞌtanike, jul te jnujpunele. Te joꞌtul aꞌchetik te chapalik sok skantilike la sjoyinik ochel te jnujpunel te ba ya spas kꞌine, y stsꞌusot te puertae.

San Mateo 8:11

Pe ya kalbeyex: Ay me bayal ya xtal ta slokꞌib kꞌajkꞌal sok te ba xchꞌay kꞌajkꞌal y ya xtal sjoyinik ta weꞌel te jꞌAbrahame, te jꞌIsaake, te Jacobe te ba ay ta mantal te Diose.

San Lucas 12:37

Ben tsaꞌam slekil te jꞌaꞌteletik te kuxul yoꞌtanik ya xjul taek yuꞌun te yajwalike. Jamal ya kalbeyex, te yajwalike ya me xchap sba, ya me yakꞌ sba ta mantaltesel yuꞌunik, ya me yikꞌ tal ta mexa, y ya me xꞌaꞌbot sweꞌelik yuꞌun.

San Lucas 13:29

Porke ya me xtal gente ta stojil norte sok ta stojil sur sok ta stojil ba xchꞌay kꞌajkꞌal sok ta stojil ba xlokꞌ kꞌajkꞌal. Ya me xꞌoch najkajikuk ta weꞌel te ba ay ta ajwalil te Diose.

San Lucas 22:16

Porke ya kalbeyex te makꞌ ya jweꞌix aye jaꞌ to teme kꞌo sta yorail te ba ay ta mantal te Diose —xchi te Jesuse.

San Lucas 22:30

Y te jaꞌexe ya xweꞌ-xꞌuchꞌaex ta jmexa te ba kichꞌoj kaꞌtel ta ajwalil te joꞌone. Y ya me xnajkajex te ba mukꞌul naktajibaletik ta xchapel te lajchaytijkꞌ israeletike.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.