San Lucas 14:13 - Nuevo Testamento Tzeltal de Amatenango

¹³ Yan te kꞌalal ya apas kꞌine, jaꞌ me xꞌawikꞌ tal ta weꞌel te machꞌa maꞌyuk tut ay yuꞌune, sok te jtumu-kꞌabetike, sok te koxoetike, sok te choketike.

Bible in Tzeltal Bachajón

¹³ Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic;

Bible in Tzeltal de Oxchuc y Tenejapa

¹³ Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic.

San Lucas 14:13 ပူးပေါင်းရင်းမြစ်များ

San Mateo 15:30

Bayal gente la stsob sbaik tal te ba aye. Yikꞌojik kꞌoel koxoetik, sok choketik, sok umaꞌetik, sok machꞌatik mochꞌol skꞌab, sok bayal xan chameletik. La yakꞌik ta yok te Jesuse, spisil a slekuteslan.

San Mateo 22:10

Te jꞌmantaletike lokꞌik bael ta kayailtik, la yikꞌik tal spisil te la sta sbaik soke. Kapal a talik sok te machꞌatik ma lekuke sok te machꞌatik lekike. Jich a noj ta yulaꞌ te snae.

San Lucas 11:41

Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

San Lucas 14:12

Sok la yalbe te machꞌa ikꞌbil ta weꞌel yuꞌune: —Te kꞌalal ya xꞌikꞌawanat ta weꞌele, ma me jaꞌuk xꞌawikꞌ ta weꞌel te awamigotake, ni te abankiltake, ni te machꞌatik ma yanuke, ni te abersinatak te ay skꞌulejalike. Porke ya me yikꞌat ta weꞌel ta patil euk. Jaꞌ nax me sjelol ya xkꞌot te ya yikꞌat ta weꞌele.

San Lucas 14:14

Jich me ben tsaꞌam alekil yuꞌun, porke ma xjuꞌ yuꞌun te ya sujtesbeyat sjelol stukelike. Pero ya me awichꞌbe sjelol te kꞌalal ya xchaꞌkuxat tal sok te machꞌatik toj yoꞌtanik ta stojol Diose —xchi te Jesuse.

San Lucas 14:21

Te jꞌmantale sujt bael. Spisil a kꞌo yalbe te yajwale. Jich te ajwalile ilin yuꞌun, y la yalbe te yaj-mantale: “Baan ta ora te ba mukꞌul kayailtik sok ba chꞌin kayailtik te ba jtejklume. Ikꞌa tal te meꞌbaꞌetike, sok te jtumu-kꞌabetike, sok te choketike, sok te koxoetike”, xyut.

Hechos 9:39

Y te jPedroe laj bajt sok ta ora. Te kꞌalal laj kꞌot ta Jopee, la yikꞌik bael te ba kuarto baꞌ xchawanejbeyik te stiꞌbalule. Spisil te meꞌba antstike la sjumik te jPedroe, ben xlaj okꞌik, y la yaꞌbeyik yil te skꞌuꞌ-spakꞌik te pasbil yuꞌun te xDorcase te kꞌalal kuxul to ae.

1 Timoteo 3:2

Jich yuꞌun, te machꞌa ya yichꞌ yaꞌtel ta ansianoile, jaꞌ ya skꞌan te makꞌ xmulawixe. Ya skꞌan te jtul nax ants ay soke, sok te sil tiempo kuidado ay sok te yoꞌtane, sok te ma snaꞌ xkꞌajkꞌube, sok te lek ay te xkuxlejale. Ya skꞌan te sil tiempo ya sꞌotseswan ta snae, sok te ay spꞌijil yoꞌtan ya snojpeswane.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

Tito 1:8

Ya skꞌan te jun yoꞌtan ya xꞌotseswan ta snae, sok te jun yoꞌtan yuꞌun te tut leke, sok te ay lek spꞌijile, sok te toj aye, sok te ben lek ta stojol Diose, sok te stukel ya snaꞌ tut ya skom sbae.

Filemón 1:7

Ben kontento ayon y ay spuersa koꞌtan yuꞌun te ay slekil awoꞌtane, porke jaꞌat ta akuenta, hermano, te mukꞌuben yoꞌtanik te hermanoetike.

Hebreos 13:2

Ma me achꞌay ta awoꞌtanik te lek ya awikꞌ ochel ta anaik te machꞌatik ya xkꞌot ta anaike. Yuꞌun ay machꞌatik maꞌ snaꞌik la yikꞌ ta snaik te angeletike.