San Lucas 13:34 - Nuevo Testamento Tzeltal de Amatenango

³⁴ “Jerusalen, Jerusalen, te kꞌayemat ta smilel te jꞌalwanejetik yuꞌun te Diose, sok kꞌayemat ta xchꞌojel ta ton te machꞌatik tikonlanbil tal yuꞌun Dios ta atojolike. Bayal buelta te kꞌan jtsob te awal-anichꞌanike jich tutꞌil ya stsob xchꞌinik yal ta yanil xikꞌ te mute, pero ma la akꞌanik.

Bible in Tzeltal Bachajón

³⁴ ¡Jerusalén, Jerusalén, te yac amil te jalwanejetic soc te yac ach'oj ta ton te mach'atic ticombilic ta atojole! ¡Bayel buelta hich ya c'an jtsob te awal-anich'nab te bin ut'il ya stsob yalatac ta ye'tal xic' te me'mut, pero ma ba la ac'an!

Bible in Tzeltal de Oxchuc y Tenejapa

³⁴ “¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

San Lucas 13:34 ပူးပေါင်းရင်းမြစ်များ

San Mateo 22:3

La stikon bael yaj-mantal te ya xba yikꞌtalan tal te machꞌatik ikꞌtalanbil ta nujpunele. Pero ma skꞌan a laj tal.

San Mateo 22:6

Te yane la stsakik te jmantaletik yuꞌun te reye, la yilbajinik y la smilik.

San Lucas 15:28

“Pero te bankilale ilin yuꞌun. Ma skꞌan te ya xꞌoch bael ta snae. Jich te state puersa lokꞌ tal ta slekil-kꞌopon te xnichꞌane te yauk xꞌoch bael ta snae.

San Lucas 19:44

ya me slajinelex ta apisilik. Ya me xmiltalanot spisil te alumale. Ma me ayuk xjil jpꞌejuk ton te kajal ya xjil ta sba te jpꞌej xan tone. Porke ma la anaꞌbe sba te tut ora xtaluk te Dios te tal skoltayate —xchi te Jesuse.

San Lucas 23:28

Pero te Jesuse la skꞌelu sujtel y la yaltalanbe: —Antstik yuꞌun Jerusalen, ma xꞌawokꞌetayikon. Okꞌetaya aba atukelik, y sok te awuntikilike.

Hechos 7:52

¿Me ay wan jtul jꞌalwanej yuꞌun te Diose te maꞌ skontrainike? Te stukelike la smilik te jꞌalwanejetik te albot yaꞌiyik yuꞌun te ya xtal te machꞌa ben toj yoꞌtane. Pero te ora to xtalukix te machꞌa ben toj yoꞌtane, te jaꞌexe la awakꞌik entregal y milot.

Hechos 7:59

Te kꞌalal yipalik ta yaꞌbeyel ton ae, te jꞌEstebane la skꞌopon Dios. Jich a yal: —Kajwal Jesus, ikꞌbon me te jchꞌulele —xchi.

Hechos 8:1

Te Sauloe teꞌey ekꞌa, la yakꞌ sba ekꞌa te milot te jꞌEstebane. Te kꞌaal abi lijk ta jun gran tenel te hermanoetik te ayik ta Jerusalene. Spisilik a pujkejik bael te hermanoetik ta estadoetik yuꞌun Judea sok ta Samaria. Ja xanix a laj jil ta Jerusalen te apostoletike.

Apocalipsis 11:8

Te stiꞌbalulik tixajtik me ya xjil ta kayailtik te ba mukꞌul jtejklum te ba jijpanot ta krus te Yajwalike. Jaꞌ te mukꞌul jtejklum Sodoma sbiil, sok Egipto sbiil ta alel.