San Lucas 13:33 - Nuevo Testamento Tzeltal de Amatenango

³³ Porke ya to me xbeenon te ora to sok pajel sok chaꞌbej. Yuꞌun ma xjuꞌ te yan ba ya xlaj jtuluk jꞌalwanej yuꞌun te Diose; puersa me teꞌ ya xlaj te ba Jerusalene.

Bible in Tzeltal Bachajón

³³ Pero ya sc'an te ya xbehenon yo'tic soc pajel soc cha'bej, como ma xpas te ma ba ta Jerusalén ya xlaj te mach'a jalwanej.

Bible in Tzeltal de Oxchuc y Tenejapa

³³ Melel ya to me xbeenon ta ora to, soc pajel, soc cha'wej. Yu'un ma xju' te q'uejel ya xlaj jtuluc j'alwanej yu'un te Diose, tey me ya xlaj ta puersa ta bay Jerusalén.

San Lucas 13:33 ပူးပေါင်းရင်းမြစ်များ

San Mateo 20:18

—Aꞌibeyaik awaꞌiy sluwar ora to ya xbotikix ta Jerusalen. Te Nichꞌanile ya me xꞌakꞌot ta skꞌab te statal-saserdoteetike sok ta skꞌab te maestroetik yuꞌun te mantaliletike. Sok ya me xchapik te ya yichꞌ milele.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Lucas 9:53

Pero te samariaetike ma yakꞌik ta majanel te nae, yuꞌun la snaꞌik te toj nax ya xbajt ta Jerusalen te Jesuse.

San Juan 11:54

Jaꞌ yuꞌun te Jesuse maꞌ beenix ta sitil komon a te ba juriyoetike. Lokꞌ bael teꞌa te ba estado yuꞌun Judea y bajt ta jun luwar ta jun jtejkꞌum te Efrain sbiil te nopol ay sok te jojchol luware. Teꞌ anin sok a te jnopojeletik yuꞌune.

San Juan 11:9

Te Jesuse la yaltalanbe: —¿Me ma wan lajchayebuk ora yichꞌoj te jun kꞌaale? Jaꞌ yuꞌun te machꞌa ya xbeen ta kꞌajkꞌaltike makꞌ xkꞌochin yok, yuꞌun ya yil te sakil kꞌinal te ay ta balmilale.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Juan 9:4

Te tutꞌil ayotik to ta kꞌajkꞌaltike, puersa me ya jpasbe yaꞌtel te Machꞌa la stikonon tale. Yuꞌun ya xꞌijkꞌub te kꞌinale, te kꞌalal maꞌyukix machꞌa ya xꞌaꞌtej ae.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Hechos 13:27

Yuꞌun te machꞌatik ayik ta Jerusalene y te statal yuꞌunike maꞌ snaꞌik machꞌa a te Jesuse. Ni maꞌ yaꞌibeyik sluwar te tuti yal te jꞌalwanejetik yuꞌun Dios te la yichꞌ ilel ta sinagogaetik te jujun kꞌaal ta skꞌaalel kuxo-oꞌtane. Jicha kꞌot ta pasel ta skuentaik te tut yaloj Dios ta skuenta te jꞌalwanejetik yuꞌun, te tutꞌil la yakꞌik ta milel te Jesuse.