San Lucas 13:28 - Nuevo Testamento Tzeltal de Amatenango

²⁸ Teꞌ me ya awokꞌetay abaik a, y teꞌ me ya akꞌuxilan aweik a te tutꞌil ya awilik te jꞌAbrahame te jꞌIsaake, te Jacobe sok spisil te antibo jꞌalwanejetik te teꞌ ayik te ba ay ta ajwalil te Diose. Yan te jaꞌexe chꞌojbilex lokꞌel ta jwera.

Bible in Tzeltal Bachajón

²⁸ Tey ya xc'oht awoq'uetay abahic soc tey ya xc'oht ac'uxuxan awehic a te c'alal yac awilic te Abraham, Isaac, Jacob soc spisil te jalwanejetic te tey ayic a ta banti ay te cuentahinel yu'un Dios, yan te ha'exe, ch'aybilex loq'uel.

Bible in Tzeltal de Oxchuc y Tenejapa

²⁸ Tey me ya awoq'uetay abaic a soc ya me ajets'ulay aweic yu'un te bit'il ya awilic te Abrahame, te Isaaque, te Jacobe, soc spisil te namey q'uinal j'alwanejetic te ochemic ta banti ay ta ajwalinel te Diose. Yan te ja'exe, ayex ta fuera atuquelic.

San Lucas 13:28 ပူးပေါင်းရင်းမြစ်များ

San Mateo 13:42

Ya me xchꞌojik ochel te ba yawil kꞌakꞌ te tileme. Teꞌ me ya xkꞌo yokꞌetay sbaik a sok teꞌ me ya xkꞌo skꞌuxilan yeꞌik a.

San Mateo 13:50

Te machꞌatik ma lekuke ya me xchꞌojot ochel ta yawil kꞌakꞌ te tileme. Teꞌ me xkꞌo yokꞌetay sbaik a sok teꞌ me ya skꞌuxilan yeꞌik a —xchi te Jesuse.

San Mateo 22:13

“Te reye la yalbe te machꞌatik ya xchapik te mexae: “Chukbeyaik yok skꞌab, chꞌojaik lokꞌel ta ijkꞌal kꞌinal te ba jwerae. Teꞌ ya xkꞌo yokꞌetay sba a sok teꞌ ya xkꞌo skꞌuxilan ye a”, xyut.

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

San Mateo 25:30

Te jꞌatꞌel to te maꞌ tuune chꞌojaik lokꞌel ta ijkꞌal kꞌinal. Teꞌ me ya xkꞌo yokꞌetay sba a sok teꞌ me ya xkꞌo xkꞌuxilan ye a”, xchi te yajwalike.

San Lucas 10:15

Jichex euk jtejklum Capernaum, akuyojik te aꞌbilex ta jkuenta ya xkꞌoex ta chꞌulchan. Mauk, sino ke ya me awichꞌik chꞌojel ochel kꞌalal ta yutil chꞌen.

San Lucas 14:15

Ay jtul te machꞌa nakal sok ta mexa te Jesuse te kꞌalal la yaꞌi te tut la yale, jich a yalbe: —Ben tsaꞌam slekil te machꞌa ya xꞌikꞌot ta weꞌel te ba ay ta ajwalil te Diose —xchi.

San Lucas 16:23

Te kꞌalal ayix ta wokol a te jkꞌulej winik te ba ya xbajt te animaetike, la stoy sit. La yil ta jakal te jꞌAbrahame te sjoyinej sba sok te jLazaroe.

2 Tesalonicenses 1:5

Jaꞌ to jaꞌ ya yakꞌ ta naꞌel a te toj ya xchapawan te Diose, yuꞌun te jaꞌexe ay awochelik a te ya xꞌochex te ba ay ta ajwalinele. Jaꞌ sluwar te ay awokolike.

2 Pedro 1:11

Jich me jamal ya sjeꞌbelex te puertaetik te ba ay ta ajwalil sbajtel kꞌinal te Kajwaltik Jesucristo, te jKoltawanej kuꞌuntike.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.