San Lucas 13:24 - Nuevo Testamento Tzeltal de Amatenango

²⁴ —Akꞌaik puersa te ya xꞌochex bael te ba puerta te yub nax. Ya me kalbeyex: Ay me bayal machꞌatik yoꞌtanuk ya skꞌan xꞌochik teꞌa, pero ma xjuꞌ yuꞌunik.

Bible in Tzeltal Bachajón

²⁴ Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

Bible in Tzeltal de Oxchuc y Tenejapa

²⁴ —Ac'aic puersa ta ochel bael ta bay tsail nax sjamalul te ti'naile. Ya calbeyex te ay me tsobol mach'atic te patil ya sc'an yo'tanic te ya x'ochic tey a, ja'uc me to, ma xju'ix yu'unic.

San Lucas 13:24 ပူးပေါင်းရင်းမြစ်များ

San Mateo 11:12

“Jaꞌ to te kꞌalal tal te Juan Akꞌichꞌjaꞌe asta ora to, sok sfuersa lijkix ta pasaw ta mantal te Diose. Te genteetik sok yipik ya sten sbaik ochel.

San Lucas 13:23

Ay jtul machꞌa jojkꞌobot yuꞌun: —Kajwal, ¿me ajtabil nax wan te machꞌa ya xkolike? —xchi. La sjakꞌ te Jesuse:

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

San Juan 5:4

porke ay jtul chꞌul ángel ya xkoj tal sok ya stijulan jilel te jaꞌ te ba ay te estankee. Y te machꞌa primero ya xꞌoch te kꞌalal ya xtal tijek jilel te jaꞌe, ya xlekub jilel tutikuk chamelil te yichꞌoje.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 7:34

Te jaꞌexe ya aleikon, pero ma xꞌantayikon ta leel, porke ma spas ya xbaex te ba ya xkꞌoone —xchi.

San Juan 8:21

Te Jesuse la yal xan: —Te joꞌone ya xboon, y te jaꞌexe ya xba aleikon. Pero akuchoj amulik ya xchamex. Te ba ya xboon te joꞌone, te jaꞌexe ma spas xbaex teꞌa —xchi.

Romanos 10:3

Yuꞌun ma kꞌoemuk ta yoꞌtanik te tutꞌil Dios ya skoltay yuꞌun smul te winketike. Y jaꞌ yuꞌun jaꞌ ya sleik te skolelik ta skuenta nax te tut ya xjuꞌ ya spasike. Ma jaꞌuk ya yakꞌik ta jkuenta te tut yalojbe skꞌoplal te Diose.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

Hebreos 4:11

Jaꞌ yuꞌun ya skꞌan kakꞌtik puersa te ya xꞌochotik te ba luwar yuꞌun kuxo-oꞌtane. Yuꞌun ma me machꞌa sigueuk ya yakꞌ ta ilel jich tutꞌil la spasik te machꞌatik maꞌ xchꞌuunike.

2 Pedro 1:10

Jaꞌ yuꞌun, kermanotak, te ikꞌbilex yuꞌun te Diose sok te tsabilex yuꞌune, oꞌtaninaik spasel spisil to. Yuꞌun teme jich ya apasulanike, ma xyalex ta mulil.