San Lucas 13:14 - Nuevo Testamento Tzeltal de Amatenango

¹⁴ Pero te machꞌa yichꞌoj yaꞌtel ta statalil te ba sinagogae ilin yuꞌun, yuꞌun te Jesuse la slekutes ta skꞌaalel kuxo-oꞌtan. La yalbe te genteetike: —Ay wakeꞌ kꞌaal te ya xꞌaꞌtejotike. Jaꞌ ya xtalex a te ya awakꞌ abaik ta lekutesel yuꞌun te achamelike. Ma me jauk a te skꞌaalel kuxo-oꞌtane —xyut.

Bible in Tzeltal Bachajón

¹⁴ Pero te principal yu'un te sinagoga ilin yu'un te bin ut'il sc'ahc'alel cux-o'tan a te la ya'iy slecubteswanej te Jesús. Hich la yalbe te ants-winiquetique: Ay waqueb c'ahc'al a'tel; ha ya sc'an ya xtal awac' abahic ta lecubtesel a, ma ha'uc ta sc'ahc'alel cux-o'tan, la yut.

Bible in Tzeltal de Oxchuc y Tenejapa

¹⁴ Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

San Lucas 13:14 ပူးပေါင်းရင်းမြစ်များ

San Mateo 12:2

Te fariseoetike la yilik te tut yipalik ta spasele sok jich a yalbeyik te Jesuse: —Ilawil te jnopojeletik awuꞌune. Yipalik ta spasel te tut ma spas ta pasel ta skꞌaalel kuxo-oꞌtane —xchiik.

San Marcos 5:22

Te jtul winik te ay yaꞌtel ta sinagoga te sbiile Jairo, te kꞌalal la yilbe sit te Jesuse, la skejan sba ta yok.

San Lucas 6:11

Te machꞌatik teꞌey ae beno laj ilinik yuꞌun. Lijk sjojkꞌobe sbaik te tut ya yutik te Jesuse.

San Lucas 6:7

Te maestroetik yuꞌun te mantaliletik sok te fariseoetike yipalik ta smaliyel me ya slekutes a te ta skꞌaalel kuxo-oꞌtane, yuꞌun jich ya xjuꞌ ya slebeyik smul ta skꞌopik a te Jesuse.

San Lucas 8:41

Jicha kꞌot jtul winik ta stojol te Jesuse, Jairo sbiil, te yichꞌoj yaꞌtel ta statalil te ba sinagogae. Te winik to la skejan sba ta yok te Jesuse y la skꞌambe pawor te yauk xbajt ta snae,

Hechos 13:15

Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee: —Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.

Hechos 18:17

Jicha ba skomon-tsakonik te Sóstenes, te jtul statal yuꞌun te sinagogae, y la smajik teꞌ mismo a te ba ya smeltsaꞌanwan te jGalione. Pero te jGalione ni ma yocheluk.

Hechos 18:8

Te Crispo te statal yuꞌun te sinagogae la xchꞌuun euk te Kajwaltike sok spisil te machꞌa ay yuꞌun ta snae. Ay bayal corintioetik te kꞌalal la yaꞌiyik te skꞌop Diose la xchꞌuunik euk, y la yichꞌtalan jaꞌ.

Romanos 10:2

Jamal ya xjuꞌ ya kalbeyex te ben jun yoꞌtanik ya yakꞌ sbaik ta tuuntesel yuꞌun te Diose. Jaꞌ nax te tut ya skꞌan yoꞌtanike ma jaꞌuk stamojik te tut batsꞌi jiche.