San Lucas 12:45 - Nuevo Testamento Tzeltal de Amatenango

⁴⁵ Pero te aj-aꞌtelile teme lijk yal ta yoꞌtan: “Ma to wan xtal ta ora te kajwale”, tem xchie, ya xlijk yutalan te yan jꞌaꞌteletike sok te kriaraetike, y ya xlijk ta weꞌel uchꞌajel sok ta yakꞌubel.

Bible in Tzeltal Bachajón

⁴⁵ Yan te a'bat te hich ya yal ta yo'tan: Ma xtal ta ora te cajwal, teme xchihe, hich ya xhahch smajticlan te a'batetic soc te criadahetic, soc ya xhahch ta we'el uch'el soc ta yacubel,

Bible in Tzeltal de Oxchuc y Tenejapa

⁴⁵ Yan teme ya xcaj yal ta yo'tane: “Te Cajwal ma xtal ta ora”, teme xie, soc teme ya xjajch' yuts'in te abatetic soc te criadaetique, soc teme ya xjajch' ta we'el-uch'ajel soc ta yacubel,

San Lucas 12:45 ပူးပေါင်းရင်းမြစ်များ

San Mateo 22:6

Te yane la stsakik te jmantaletik yuꞌun te reye, la yilbajinik y la smilik.

San Lucas 12:44

Batsꞌi jich ya kalbeyex, te yajwale ya me yaꞌbe skanantay spisil te tutik ay yuꞌune.

San Lucas 12:46

Ja skꞌaalel a te makꞌ smaliye, sok te tut ora chꞌayem yoꞌtan ta smaliyel aye, ya xkꞌot te yajwale. Ya me yaꞌbe kastigo. Teꞌ me ya xbajt a te ba ya xbajt te machꞌatik te ma xchꞌuunejuk te Diose.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

San Juan 2:10

y la yalbe: —Spisil genteetik kꞌayemik a te jaꞌ nail ya yuchꞌik te ben tsaꞌam binoe. Y kꞌalal la yuchꞌikix bayal a te machꞌatik ikꞌtalanbile, jich me ya xlijk tuunuk yuꞌunik te bino te mas chopole. Pero te jaꞌate akꞌejoj te lekil binoe, y jaꞌ to nax ya awakꞌ ta ilel te ora to —xyut.

Hechos 2:18

Jich me ya jpukbey euk te Espíritu kuꞌun ta stojol te kaj-aꞌtel chikan me winik o ants, y ya me xkꞌopojik ta jkuentae.

Romanos 16:18

Porke ma xtuunik yuꞌun te Kajwaltik Jesucristoe, yuꞌun jaꞌ nax baem ta yoꞌtanik te tut ya skꞌupin te stiꞌbalule. Te skꞌopike ben tsaꞌam ta aꞌiyel y lek yaꞌiyel, pero jaꞌ ya yixlanbe yoꞌtanik te gente te maꞌyuk spꞌijilike.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

1 Tesalonicenses 5:7

Te machꞌatik ya xwayike, wayajtik me ta ajkꞌubal; y te machꞌatik ya xyakubike, ta ajkꞌubal te ya xyakubike.

2 Pedro 2:13

Ya me xꞌaꞌbot stojik ta wokolajel te tutꞌil la yakꞌ kꞌaxuk swokol ekꞌa te yane. Skuyojik te jun yoꞌtanike te juju tsꞌin nax ya spasik te tut ya skꞌupinik spasele. Jaꞌ jun kꞌexlal y jaꞌ ya yixlanbe akꞌoplalik te kꞌalal ya ajoyin abaik sok te ba akꞌinike. Sok sbujtsꞌ yoꞌtanik ya spasik te tut ma lekuke te ya xloꞌlawanike.

2 Pedro 2:19

Ya yalik te libre ayike, pero stukelik mismo ayik ta mosoinel yuꞌun te tut skuenta lajel. Porke spisil gente jaꞌ mosoinbil yuꞌun te tut ya stsalot yuꞌune.

Apocalipsis 16:6

Porke stukelik la smalbeyik xchꞌichꞌel te machꞌatik aylan awuꞌune, y sok te jꞌalwanejetike. Jich te ora to jaꞌat la awaꞌbe yuchꞌik te chꞌichꞌe, yuꞌun jich mismo ya skꞌan ya xkꞌot ta skuentaik —xchi.

Apocalipsis 18:24

Yuꞌun te ba mukꞌul jtejklume la yichꞌ malel a te xchꞌichꞌel jꞌalwanejetike, sok te machꞌatik ayik yuꞌun te Diose, y sok ta spisil te machꞌatik lajemik ta milel ta balmilale.