San Lucas 12:42 - Nuevo Testamento Tzeltal de Amatenango

⁴² La yal te Kajwaltike: —Te lekil jkanan te ay spꞌijil yoꞌtane, ya xꞌaꞌbot ta skuenta te tutik ay yuꞌun ta sna te yajwale, yuꞌun ya spukbey te tutik ya sweꞌik te juju-chꞌoj te ya yichꞌike.

Bible in Tzeltal Bachajón

⁴² Hich halbot yu'un te Cajwaltic: ¿Mach'a a te jcanan te jun yo'tan soc te ay sp'ijil yo'tan, te ha ya x'a'bot scuentahimbe te a'batetic yu'un te yajwal scuenta yu'un ya spucbe bin ya xtuhun yu'unic ta yorahil?

Bible in Tzeltal de Oxchuc y Tenejapa

⁴² Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

San Lucas 12:42 ပူးပေါင်းရင်းမြစ်များ

San Mateo 13:52

La yal te Jesuse: —Te maestroetik yuꞌun te mantaliletike te snaꞌojbe sluwaril te tutꞌil ay ta ajwalinel te Diose jaꞌ pajal kꞌoem sok te tutꞌil ay te jtul yajwal nae. Te tutik skꞌejoje ya snaꞌ slokꞌesel tal te achꞌ toe sok te tuuntesbilixe —xchi.

San Mateo 20:8

“Te kꞌalal sutꞌetix a te kꞌinale te yajwal pinkae la yalbe te yaj-kaporale: “Ikꞌa tal te jꞌatꞌeletike y tojtalana. Tojtalana nailuk te machꞌatik patil a och ta aꞌtele. Patil ya atojtalan te machꞌa nail a och ta aꞌtele”, xyut.

San Lucas 12:43

Ben me tsaꞌam slekil te aj-aꞌtelil te jich yipal ta spasel a te kꞌalal ya xjul taek yuꞌun te yajwale.

San Lucas 7:13

La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

San Lucas 7:19

La stikon bael ta jojkꞌoyel ta stojol te Jesuse me batsꞌi jaꞌix te Cristo te ya xtale o ay to xan yan ya xtal.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

1 Timoteo 3:15

yuꞌun teme maꞌ talon ta orae, jich me ya anaꞌ tutꞌ ya skꞌan xꞌaꞌtejat ta stojol te yuntikil te Diose, ja te hermanoetik yuꞌun te kuxul Diose, te jaꞌ ipajem a sok jaꞌ ya skoltay a te tut batsꞌi jiche.

1 Timoteo 5:17

Te ansianoetik te lek ya skanantay te hermanoetike, ya skꞌan te kꞌax lek ya xꞌakꞌot ta jkuentae, batsꞌi jaꞌ te ansianoetik te ya yaꞌtelinik yalel te skꞌop Dios sok te ya snojpeswane.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Hebreos 13:17

Chꞌuunbeyaik me smantal te machꞌatik ya xꞌaꞌtejik ta atojolike y akꞌaik me ta jkuenta. Porke te stukelike jaꞌ ya skanantaybeyex te achꞌulelike, sok snaꞌojik te puersa ya xkꞌo yakꞌik jkuenta ta stojol te Diose. Aꞌbeya sbujtsꞌ yoꞌtanik ta spasel te aꞌtele, y ma me awaꞌbeyik yajtal yoꞌtanik. Yuꞌun teme ya awaꞌbe yajtal yoꞌtanike, ni maꞌyuk tut ya xlokꞌ awuꞌunik a.

Hebreos 13:7

Naꞌaik me te machꞌatik a aꞌtejik ta atojolik sok te la yalbeyex te skꞌop Diose. Naꞌaik te tutꞌil juꞌ yuꞌunik sok te xkuxlejalike, sok jich me xꞌanopik te tutꞌil la yakꞌ xchꞌuunel yoꞌtanike.

Hebreos 3:5

Jich yuꞌun, te jMoisese, jich tutꞌil aj-aꞌtelil te jun yoꞌtan yuꞌun spisil te ba sna te Diose. Y te aꞌtel yuꞌune, jaꞌ te ya yalbe skꞌoplal te tutik ya xba yal ta patil te Diose.

1 Pedro 4:10

Talel baeluk me xꞌamantaltes abaik chikan te amajtanik aꞌbilex yuꞌun te Diose. Lekil jꞌaꞌtelukex me te tutꞌil bayal aꞌbilex te bendisionetik yuꞌun te Diose.