San Lucas 12:37 - Nuevo Testamento Tzeltal de Amatenango

³⁷ Ben tsaꞌam slekil te jꞌaꞌteletik te kuxul yoꞌtanik ya xjul taek yuꞌun te yajwalike. Jamal ya kalbeyex, te yajwalike ya me xchap sba, ya me yakꞌ sba ta mantaltesel yuꞌunik, ya me yikꞌ tal ta mexa, y ya me xꞌaꞌbot sweꞌelik yuꞌun.

Bible in Tzeltal Bachajón

³⁷ Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

Bible in Tzeltal de Oxchuc y Tenejapa

³⁷ Bin nax me yutsil te abatetic te wiq'uil sitic ya xjul taotuc yu'un te yajwalique. Jamal ya calbeyex, te yajwalique ya me xchuc xch'ujt' te ya yac' sba ta abatinel yu'unique. Ya yic' tel ta smesa, soc ya yac'bey swe'elic.

San Lucas 12:37 ပူးပေါင်းရင်းမြစ်များ

San Mateo 24:42

“Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

San Lucas 12:36

Jichukex me te tutꞌil te jꞌaꞌteletik te chapajtik ta smaliyel te yajwalik te baem ta il-nujpunele, te ora ya sjeꞌbeyik te stiꞌpuerta te kꞌalal ya xjul skꞌojkꞌutay te puertae.

San Lucas 12:43

Ben me tsaꞌam slekil te aj-aꞌtelil te jich yipal ta spasel a te kꞌalal ya xjul taek yuꞌun te yajwale.

San Lucas 17:8

Njuꞌu. Sino ke ya awalbe: “Ban chapa jweꞌel y ban chapa aba. Ya me akꞌasesbon tal yuꞌun ya xweꞌ-xꞌuchꞌaon nailuk. Patil ya me xweꞌ-xꞌuchꞌaat euk”, ya awut.

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

San Lucas 22:27

¿Machꞌa a te mas aꞌbil ta jkuentae? ¿Me jaꞌ te machꞌa ya snajkan sba ta weꞌel ta mexae, o jaꞌ te machꞌa ya xmantaltesote? ¿Me ma wan jaꞌuk te machꞌa nakal ta weꞌel ta mexae? Yan te joꞌone jich ayon ta awolilik te tutꞌil machꞌa ya skꞌasesbeyex aweꞌelike.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

1 Corintios 2:9

Pero komo jich tsꞌibabil jilel ta Sjun te Diose: “Te Diose xchapoj yuꞌun te machꞌatik kꞌanbil yuꞌune te tut maꞌyuk machꞌa yiloje sok maꞌyuk yaꞌiyeje sok te ma snopojuke”, xchi me.

Filipenses 1:21

Porke te tutꞌil kuxulone, jaꞌ ta skuenta te Cristoe; y teme chamone, jich la jpas ganar a.

Filipenses 1:23

Yuꞌun ma jnaꞌ te ba ay te mas lek ta xchaꞌkajale. Koꞌtanuk te ya jkꞌan xchamonixe, yuꞌun jich ya xba joyinix a te Cristoe, yuꞌun jaꞌ mas lek ya kaꞌiy te jichuk ya xkꞌote.

2 Pedro 1:11

Jich me jamal ya sjeꞌbelex te puertaetik te ba ay ta ajwalil sbajtel kꞌinal te Kajwaltik Jesucristo, te jKoltawanej kuꞌuntike.

2 Pedro 3:14

Jaꞌ yuꞌun, kermanotak, te kꞌuxex ta koꞌtane, te yipalex to ta smaliyel te tutik to, pasaik spisil te ya xjuꞌ awuꞌunik yuꞌun jun me awoꞌtanik ya xjul staex a te Diose. Ma me ijkꞌubenukex ni ma me ayuk amulik.

Apocalipsis 14:13

Jicha kaꞌiy jun xan kꞌop ta chꞌulchan te jich a yalbone: —Tsꞌibaya ta jun to: “Ben tsaꞌam slekil te ora to sok ta patil bael te machꞌatik ya xchamik ta skuenta te Kajwaltike —xchi. Sok la yal te Espiritue: —Ya me xkux yoꞌtanik yuꞌun te yaꞌtelike, sok ya me xꞌichꞌbot jkuenta yuꞌun te tut spasoje.

Apocalipsis 16:15

“Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.