San Lucas 12:32 - Nuevo Testamento Tzeltal de Amatenango

³² “Ma me xiꞌanik, karneraetik kuꞌun, jaꞌex te ma bayalukexe. Te Jtatike ben jun yoꞌtan ya yakꞌex teꞌa te ba ya xmantaleje.

Bible in Tzeltal Bachajón

³² Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

Bible in Tzeltal de Oxchuc y Tenejapa

³² “Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Lucas 12:32 ပူးပေါင်းရင်းမြစ်များ

San Mateo 14:27

Te Jesuse la skꞌoponlan ta ora: —Ayuk spuersa awoꞌtanik. Joꞌon ya awile, ma xiꞌanik —xchi.

San Mateo 20:16

“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Mateo 7:15

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ.

San Lucas 10:21

Mismo tiempo a te Jesuse ben kontento kꞌajta yuꞌun te Chꞌul Espiritue. Jich a yal: —Kola awal Jtat, te yajwalat chꞌulchan sok te balmilale, ben bayal te slekil awoꞌtane. Porke jaꞌ la awakꞌtalanbe snaꞌ sluwaril spisil te machꞌatik chꞌin yakꞌoj sbaike. Ma jaꞌuk la awaꞌbe snaꞌ te machꞌatik pꞌijike, sok te machꞌatik ben pꞌij skuyoj sbaike. Jich Jtat, yuꞌun jich a skꞌan awoꞌtan atukel —xchi.

San Juan 18:36

Te Jesuse la sjakꞌbe: —Te tutꞌil ajwalilone, ma jaꞌuk ta skuenta te balmilal to. Te yuꞌunuk jaꞌuke la me spasik pleto te abatetik kuꞌun te jichuke, yuꞌun jich ma yakꞌelon entregal ta skꞌab te juriyoetike. Pero ma jaꞌuk ta skuenta te balmilal to te tutꞌil ajwalilone —xchi.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 20:29

Ya jnaꞌ te kꞌalal boemonix ae, ya xtal yan jich tutꞌil tiꞌawal teꞌtikil tsꞌiꞌ te ya xlijk yilbajin jichuk karnera te hermanoetik te ma xpichꞌuk yoꞌtane.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

Filipenses 2:13

Yuꞌun te Diose stukel me ya yaꞌbeyex te tutik lek ya anopike, y stukel ya skoltayex bael ta spasel te tut ya skꞌan yoꞌtane.

2 Tesalonicenses 1:11

Jich yuꞌun te sil tiempo ya jkꞌoponbetikex te Diose. Jaꞌ ya jkꞌanbetik te Dios kuꞌuntike te lekuk ya yilex yuꞌun te la yikꞌex stukele. Y stukel ya yakꞌ kꞌotuk ta pasel sok spoder ta spisil te tut lek ya anopik te jaꞌexe, y sok te aꞌtel ya apasik yuꞌun te xchꞌuunel awoꞌtanike.

2 Tesalonicenses 1:5

Jaꞌ to jaꞌ ya yakꞌ ta naꞌel a te toj ya xchapawan te Diose, yuꞌun te jaꞌexe ay awochelik a te ya xꞌochex te ba ay ta ajwalinele. Jaꞌ sluwar te ay awokolike.

Hebreos 12:28

Te joꞌotike ya xꞌakꞌot anukotik yuꞌun Dios te ba ma spas ta nikele. Ya kalbetik kola yal yuꞌun to, sok ya jkejan jbajtik ta stojol Dios. Tulanuk me skꞌoplal ta koꞌtantik te ya jkejan jbajtik te lek ya yile.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

2 Pedro 1:11

Jich me jamal ya sjeꞌbelex te puertaetik te ba ay ta ajwalil sbajtel kꞌinal te Kajwaltik Jesucristo, te jKoltawanej kuꞌuntike.

Apocalipsis 1:6

Y la yakꞌotikix ta ajwalil, sok la yakꞌotik ta saserdoteil ta abatinel yuꞌun te Dios te State. Te stukel ben tsaꞌam slekil sok yichꞌoj tulan yaꞌtel ta ora to y ta sbajtel kꞌinal. Jichuk.

Apocalipsis 22:5

Maꞌyukix ajkꞌubal teꞌ aye y te machꞌatik te kuxajtik aye ma puersaukix yuꞌun slusil te lamparae ni te skeaw kꞌajkꞌale. Porke jaꞌ ya yakꞌ sakil kꞌinal te Kajwaltik Diose, sok sbajtel kꞌinal ayik ta ajwalil.