San Lucas 12:19 - Nuevo Testamento Tzeltal de Amatenango

¹⁹ Y ya me kalbe te jchꞌulele: ‘Jchꞌulel, bayalix te tut kꞌejel awuꞌune, yuꞌun ya xtuun awuꞌun bayal jaꞌbil. Ya jkux koꞌtantik. Weꞌukotik, uchꞌaukotik. Ben junuk koꞌtantik yuꞌun’”, xchi ta yoꞌtan.

Bible in Tzeltal Bachajón

¹⁹ soc hich ya calbe te jch'uhlel: Jch'uhlel, bayelix bin q'uejbil te ya xtuhun awu'un bayel ha'bil; we'an, uch'an, tse'eluc me awo'tan, xchi.

Bible in Tzeltal de Oxchuc y Tenejapa

¹⁹ Ya me calbey te jch'ulele: ‘Jch'ulel, bayalix te jbiluctic te ya xtuun cu'untic bayal ja'wile. Ja' lec quich'tic lewa. We'ucotic, uch'ajucotic, bujts'najuc co'tantic yu'un”, xi' ta yo'tan.

San Lucas 12:19 ပူးပေါင်းရင်းမြစ်များ

San Lucas 12:18

Nojp yuꞌun tsꞌiin: “Te ora to la jnaꞌix tut ya jpas. Ya me jim spisil te yawil kixime. Ya me jpas mas mukꞌ. Yuꞌun teꞌ ya jkꞌej spisil a te jkosechae sok spisil te tutik ay kuꞌune.

San Lucas 16:19

“Ay jtul jkꞌulej winik te kꞌayem ta slapel ben tsaꞌam tsajal pino pakꞌ sok ben tsaꞌam sakil pakꞌ, y te jujun kꞌaale ya spas kꞌin sok ben lek weꞌelil.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

1 Corintios 15:32

Te joꞌone la jpas puersa ta Efeso te ba ay te machꞌatik pajalik sok jtiꞌawal chambalam. Pero ¿tutiꞌ lokꞌ kuꞌun a? Teme batsꞌi jich te makꞌ xchaꞌkux te animaetike, jich tutꞌil te ay machꞌa jich ya yale: “Weꞌukotik y uchꞌaukotik, yuꞌun te pajele ya xchamotik”, xchiik me.

Filipenses 3:19

y te slajibike, chꞌayel me ya xlaj jbajt. Te sdiosike jaꞌ te tut ya skꞌan te stiꞌbalulike, y jaꞌ stoyoj sbaik yuꞌun te tut ya xba akꞌek ta kꞌexlal yuꞌune. Jaꞌ nax ya snopik te tutik skuenta te balmilal to.

1 Timoteo 5:6

Pero te meꞌba ants te tey baem yoꞌtan a te tut ya skꞌupin te stiꞌbalule, chamenix sok te xkuxlejale.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

2 Timoteo 3:4

Ya xꞌakꞌawanik entregal, y ma kuidadouk ay, sok nojel ta yoꞌtanik te toybaile. Jaꞌ ya sleik te tut ya skꞌan stukelik en luwar te ya sleik te Diose.

Santiago 5:5

Te jaꞌexe aꞌbil akuxlejalik yuꞌun slujoal balmilal te ben kontentoexe. Yipalex ta jujpꞌel jachik tutꞌil wakax te ya sta skꞌaalel te ya xba mileke.

1 Pedro 4:3

Bayal kꞌaal la apasik te jaꞌexe jich mismo te tutik ya spasik te machꞌatik ma snaꞌbeyik sba te Diose. Jich kꞌayex ta spasel te mulile, sok te tut ma tsaꞌamuk te ya skꞌan awoꞌtanike, sok te yakubele, y niketel ta pas-kꞌin, y lom nax la alajinik atakꞌinik, y la akejan abaik ta stojol lotil diosetik te kꞌax ma tsaꞌamuke.

Apocalipsis 18:7

Aꞌ yichꞌ tulan wokol y yoꞌolil sba jich tutꞌil te la stoy sbae y te tutiꞌ skꞌupin stiꞌbalule. Yuꞌun la yal ta yoꞌtan: “Liꞌ ayon to, nakalon jich tutꞌil me mukꞌul rey. Ma biuda antsukon, ni makꞌ me kil wokol”, xchi.