San Lucas 12:17 - Nuevo Testamento Tzeltal de Amatenango

¹⁷ Te jkꞌulej winike lijk ta pensar: “¿Tut ya skꞌan ya jpas? Yuꞌun maꞌyuk ba ya jkꞌej te jkosechae.”

Bible in Tzeltal Bachajón

¹⁷ Hich hahch snop ta yo'tan: ¿Bin ya jpas yo'tic, como ma xwehtix banti ya jq'uej te bin la jloq'ues? xchi ta yo'tan.

Bible in Tzeltal de Oxchuc y Tenejapa

¹⁷ Jich jajch' snop ta yo'tan: “¿Bi ya sc'an ya jpas in to? Melel ma'yuc banti ya stac' ya jq'uejix te sit cawal-jts'unube”, xi' ta snopel.

San Lucas 12:17 ပူးပေါင်းရင်းမြစ်များ

San Mateo 16:7

Te jnopojeletike jicha lijk yalbe sbaik yuꞌun: —Jaꞌ yuꞌun te maꞌ jnaꞌtik tal kotike —xchiik.

San Mateo 5:42

Teme ay machꞌa ay tut ya skꞌanbeyate, aꞌbeya, sok ma me amak ta kꞌop te machꞌa ay tut ya skꞌan smajanbeyate.

San Lucas 10:25

Ay jtul maestro yuꞌun te mantaliletike la stejkꞌan sba, ba skꞌopon sba sok te Jesuse, yuꞌun ya skꞌan yilbe yoꞌtan. La sjojkꞌobe: —Maestro, ¿tut lek ya skꞌan ya jpas yuꞌun ya xkꞌo jta te jkuxlejal sbajtel kꞌinale? —xchi.

San Lucas 11:41

Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

San Lucas 12:16

Jich a lijk yaltalanbe seña-kꞌop: —Ay jtul jkꞌulej winik te lom bayal skꞌal te lom lek a lokꞌ te skosechae.

San Lucas 12:18

Nojp yuꞌun tsꞌiin: “Te ora to la jnaꞌix tut ya jpas. Ya me jim spisil te yawil kixime. Ya me jpas mas mukꞌ. Yuꞌun teꞌ ya jkꞌej spisil a te jkosechae sok spisil te tutik ay kuꞌune.

San Lucas 12:22

Ta patil te Jesuse jicha yalbe te jnopojeletik yuꞌune: —Jaꞌ sluwar te ya kalbeyexe, ma me xꞌawakꞌ yajtal awoꞌtanik yuꞌun te tut ya xkuxuyinexe, ni te tut ya aweꞌike ni te akꞌuꞌ-apakꞌik te ya alapike.

San Lucas 12:29

Jaꞌ yuꞌun te jaꞌexe ma me xꞌawakꞌ yajtal awoꞌtanik sleel te tut ya aweꞌ sok ya awuchꞌike.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 16:3

Jich te jkanane lijk spas pensar: “¿Tut lek ya jpas te tutꞌil ya slokꞌesonix ta kaꞌtel te kajwale? Yuꞌun ma xjuꞌix kuꞌun te tulan aꞌtele, sok ya xkꞌexawon teme lijkon ta kꞌambajele.

San Lucas 16:9

“Joꞌon ya kalbeyex: Leaik me machꞌa ya akꞌuxutay aba sok ta skuenta te akꞌulejal liꞌ ba jmulawil balmilal to, yuꞌun te kꞌalal ya xlaj te akꞌulejale, ay me machꞌa ya yikꞌat ochel te ba kuxlejal sbajtel kꞌinale.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

San Lucas 19:17

“Te reye la sjakꞌbe: “Lek ay. Jlekil jꞌaꞌtelat. Te tutꞌil jun awoꞌtan la akanantaybon te tut chin nax a kaꞌbeyat jilele, jaꞌ yuꞌun ya kaꞌbeyat awaꞌtel ta sapuyel lajun pam jtejklum —xchi.

San Lucas 3:11

La sjakꞌ te Juane: —Te machꞌa ay chaꞌlijk skꞌuꞌ-spakꞌe aꞌ yaꞌbe jlijkuk te machꞌa ni maꞌyuk yuꞌune. Jich euk te machꞌa ay tut ya sweꞌe ya skꞌan ya yaꞌbe te machꞌa maꞌyuk yuꞌune —xchi.

Hechos 16:30

Te nax a la yikꞌtalan lokꞌel y la sjojkꞌobe: —¿Moletik, tut lek ya skꞌan jpas yuꞌun ya xkolon ae? —xchi.

Hechos 2:37

Te kꞌalal la yaꞌiyik te machꞌatik te tsobolik ae, lom kꞌux a yaꞌiyik kꞌot kꞌalal ta yoꞌtanik, y la sjojkꞌobeyik te jPedroe y sok te yanetik xan apostoletike: —Kermanotak, ¿tut lek ya skꞌan jpastik? —xchiik.

Romanos 12:13

Koltayaik me te machꞌatik ayix ta skuenta te Diose teme maꞌyuk tut ay yuꞌune. Junuk me awoꞌtanik ya awikꞌik ochel te machꞌa ya xtal yuluꞌtayexe.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

1 Juan 3:16

Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.