San Lucas 12:15 - Nuevo Testamento Tzeltal de Amatenango

¹⁵ Sok la yaltalanbe: —Ila me abaik te jaꞌexe, ma me xbikꞌta awoꞌtanik yuꞌun te kꞌulejalile. Porke ma jaꞌuk ya xkuxuyinat yuꞌun teme ay bayal tut ay awuꞌune —xchi te Jesuse.

Bible in Tzeltal Bachajón

¹⁵ Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

Bible in Tzeltal de Oxchuc y Tenejapa

¹⁵ Jich la yalbey yaiyic: —Tsajtaya me abaic. Ma me xawac' bic'tajuc awo'tanic yu'un te c'ulejalile, melel ma ja'uc ya xcuxinat yu'un teme ay bayal te bila ay awu'une —xi' te Jesuse.

San Lucas 12:15 ပူးပေါင်းရင်းမြစ်များ

San Marcos 7:22

sok mulil, sok kꞌupinwane, sok utawane, sok loꞌlawane, sok te tut ma tsaꞌamuk ta pasel te kꞌupinbil sbae, sok pꞌajawane, sok aꞌabiyej, sok toybajel, sok maꞌ tsaꞌamuk-oꞌtanil.

San Lucas 12:16

Jich a lijk yaltalanbe seña-kꞌop: —Ay jtul jkꞌulej winik te lom bayal skꞌal te lom lek a lokꞌ te skosechae.

San Lucas 16:14

Te fariseoetike jaꞌ nax ben baem ta yoꞌtanik te stakꞌinike, jaꞌ yuꞌun te kꞌalal la yaꞌiyik te tuti yal te Jesuse, lijk yikꞌtinik yuꞌun.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

San Lucas 8:14

Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

2 Timoteo 3:2

Te winketike stukel nax lek ya skꞌan sbaik, sok ya me xbikꞌtaj yoꞌtanik yuꞌun te takꞌine, sok ya me stoy sbaik y lom mukꞌ me ya yakꞌ sbaik. Ya me stoyba-kꞌoptayik te Diose, sok ma xchꞌuunbe smantal smeꞌ-statik. Ma me snaꞌik yalel kola yal y maꞌyuk tut ya xchꞌuunik.

Hebreos 13:5

Ma me jaꞌuk xbajt ta awoꞌtanik te takꞌine; junuk me awoꞌtanik te tut ay awuꞌunike. Porke jich yaloj te Diose: “Ma me yauk jilesat ni yauk jchꞌojat jilel”, xchi me.

2 Pedro 2:14

Te sitike jaꞌ nax yaꞌtel te ya skꞌeluyik te ants te ya skꞌupine. Ni ma xlubik ta sleulanel smulik. Ya sloꞌlayik bael te machꞌatik maꞌyuk spuersa yoꞌtanike. Kaꞌyem yoꞌtanik a te tutik ya skꞌupin. Jaꞌ uꞌuninbilik yuꞌun te chꞌayele.

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.