San Lucas 11:41 - Nuevo Testamento Tzeltal de Amatenango

⁴¹ Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

Bible in Tzeltal Bachajón

⁴¹ Q'uebembeya te pobrehetic te bin ay awu'un, hich pocbil ya xc'oht awu'unic spisil a.

Bible in Tzeltal de Oxchuc y Tenejapa

⁴¹ Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 11:41 ပူးပေါင်းရင်းမြစ်များ

San Mateo 26:11

Te meꞌbaetike sil tiempo ajoyinejik stukele; yan te joꞌone ma siluk tiempo ajoyinejikon.

San Mateo 5:42

Teme ay machꞌa ay tut ya skꞌanbeyate, aꞌbeya, sok ma me amak ta kꞌop te machꞌa ay tut ya skꞌan smajanbeyate.

San Marcos 7:19

Yuꞌun ma ta awoꞌtanikuk ya xꞌoch bael te aweꞌelike, ta achꞌujtik nax ya xꞌoch. Patil ya xlokꞌ bael ta atiꞌbalulik —xchi te Jesuse. Jich la yakꞌ ta naꞌel te lek sluwaril yuꞌun Dios spisil te weꞌeliletike.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 16:9

“Joꞌon ya kalbeyex: Leaik me machꞌa ya akꞌuxutay aba sok ta skuenta te akꞌulejal liꞌ ba jmulawil balmilal to, yuꞌun te kꞌalal ya xlaj te akꞌulejale, ay me machꞌa ya yikꞌat ochel te ba kuxlejal sbajtel kꞌinale.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

San Lucas 19:8

Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

Hechos 10:15

Kꞌoponot xan ta xchaꞌmelal y jicha albot: —Te tut lekubenix yuꞌun te Diose ma me awal te jaꞌate te ma lekuk skꞌoplale —xchi.

Hechos 11:29

Jich te hermanoetik te ayik ta Antioquiae la snopik te ya stikonbeyik koltayel te hermanoetik te ayik ta slum Judea, chikan te tutꞌil ya xjuꞌ yuꞌunik yakꞌel ta juju-tule.

Hechos 24:17

“Cheb oxeb jaꞌbil xjoyeton ta yan luware, ta patil sujton tal ta jlumal, yuꞌun tal kakꞌ takꞌin y sok smajtan Dios ta templo.

2 Corintios 8:12

Porke te machꞌa batsꞌi jich ya skꞌan yakeꞌ, Dios ya yichꞌ te majtanil te machꞌa jich ya yakꞌ te ya xjuꞌ yuꞌune. Te Diose ma yauk skꞌanbe te machꞌa maꞌyuk yuꞌune.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

Tito 1:15

Yuꞌun te machꞌatik lek ay spensarike, lek skꞌoplal yuꞌunik spisil tutik ay. Pero te machꞌatik ma xchꞌuunike, ni ma lekuk te spensarike, sok maꞌyuk tutꞌil lek skꞌoplalik yuꞌunik. Yuꞌun lom ijkꞌubenik te spensarike y te tut ya snaꞌike.

Hebreos 13:16

Ma me achꞌay ta awoꞌtanik ta spasel te tut leke sok ta spukel ta yan te tut ay awuꞌunike. Porke jaꞌ to, jaꞌ chikꞌbil majtaniletik te lek ya yil te Diose.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.