San Lucas 11:29 - Nuevo Testamento Tzeltal de Amatenango

²⁹ Te genteetike sigue ya stsob sbaik tal te ba ay te Jesuse. Y jicha lijk yaltalanbe: —Te genteetik te ora to ma tsaꞌamuk yoꞌtanik ya skꞌan yilik junuk seña milagro, pero ma xꞌaꞌbot. Jaꞌ nax seña ta stojolik kꞌoem te Jonas te antibo jꞌalwanej yuꞌun te Diose.

Bible in Tzeltal Bachajón

²⁹ Yac ta stsobel sbahic tsobol ants-winiquetic, hich hahch yal te Jesús: Chopol te jcaj ts'umbalil ini; ya sc'an ya yilic seña, pero mayuc seña ya x'a'bot yilic, ha nax seña te Jonás.

Bible in Tzeltal de Oxchuc y Tenejapa

²⁹ Bayal mach'a la stsob tel sbaic ta stojol te Jesuse. Jich jajch' yalbey yaiyic: —Te ants-winiquetic te cuxulic ta q'uinal ta ora to, amen te yo'tanique. Ya sc'an seña yilic, ja'uc me to, ma x'ac'botic. Ja' seña ta stojolic c'oem te Jonás te namey q'uinal j'alwanej yu'un te Diose.

San Lucas 11:29 ပူးပေါင်းရင်းမြစ်များ

San Mateo 3:7

Te Juane la yil te bayal fariseoetik sok saduseoetik te talik yuꞌun ya skꞌan yichꞌik jaꞌ. La yaltalanbe: —Te jaꞌexe jaꞌ stsꞌumbalex kꞌoem te tiꞌawal chanetike. ¿Machꞌa kꞌa yalbeyex awaꞌiyik te ya xjuꞌ ya akoltay abaik lokꞌel a te tulan kastigo te nopol xtale?

San Marcos 8:38

Teme ya xkꞌexawex kuꞌun sok teme ya xkꞌexawex yuꞌun te jkꞌope ta sit te genteetik te machꞌatik ma junuk yoꞌtanik ta skuenta Dios sok te kꞌayemik ta mulile, jichek te Nichꞌanile ya me xkꞌexaw awuꞌunik euk te tut ora ya xtal sok stsaꞌamul te Jtate y sok stsaꞌamul te chꞌul angeletike —xchi te Jesuse.

San Lucas 11:16

Sok ay yan lijk skꞌambeyik seña smilagro ta chꞌulchan te Jesuse yuꞌun ya yilbeyik yoꞌtan.

San Lucas 11:50

Te machꞌatik kuxajtik ta balmilal te ora to, ya me skuchik smalbeyel xchꞌichꞌel spisil te jꞌalwanejetik te lajik ta milel ta slijkibal to tal te balmilale.

San Lucas 12:1

Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

San Lucas 9:41

La sjakꞌ te Jesuse: —Jaꞌex genteetik te maꞌyuk xchꞌuunel awoꞌtanik sok te ma lek awoꞌtanike. ¿Jayeꞌ xan kꞌaal te ya joyinexe sok te ya jtsꞌikbeyex te tut ayexe? Ikꞌbonik te anichꞌane —xchi.

San Juan 2:18

Te juriyoetike la sjojkꞌobeyik te Jesuse: —¿Tut seña ya awaꞌbotik kiltik te ay awaꞌtel ta spasel to? —xchiik kꞌoel.

San Juan 6:30

Jich a sjojkꞌobeyik: —¿Tut señail ya awaꞌbotik kiltik yuꞌun teme la kiltike ya me jchꞌuuntikat? ¿Tutik a te awaꞌtele?

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

1 Corintios 1:22

Te juriyoetike ya skꞌan ya yilik jun seña milagro, y te griegoetike ya sleik spꞌijilik.