San Lucas 11:24 - Nuevo Testamento Tzeltal de Amatenango

²⁴ Kꞌalal ya xlokꞌ ta yoꞌtan gente te pukuje, ya xbeen ta takin kꞌinal, ya sle ba ya xkux yoꞌtan, pero ma sta. Jich ya xlijk snop: “Ya me sujton bael ta jna te ba lokꞌemon tale”, xchi.

Bible in Tzeltal Bachajón

²⁴ Teme ya xloc' ta yo'tan jtuhl winic te bohl espíritu, ya xbaht ta taquin q'uinal ta slehel banti ya scux yo'tan; pero teme ma ba ya sta, hich ya yal: Ya suhton xan bahel ta jna te banti loq'uemon tale, xchi.

Bible in Tzeltal de Oxchuc y Tenejapa

²⁴ “C'alal ya xloc' ta yo'tan ants-winic te pucuje, ya xbeen ta taquin q'uinaletic, yu'un ya sle te banti ya yich' lewae, ja'uc me to, ma sta. Jich ya xjajch' yal: “Ya me sujt'on bael ta jna te banti loq'uemon tele”, xi'.

San Lucas 11:24 ပူးပေါင်းရင်းမြစ်များ

San Marcos 5:10

Te winike la skꞌanbe pawor te Jesuse te ma me stikon lokꞌel te pukujetik te ba luware.

San Marcos 9:25

La yil te Jesus te ya stsob sbaix tal bayal genteetik. La skom te pukuje, jich a yal: —Jaꞌat pukuj, umaat sok ma xꞌawaꞌi kꞌop, ya kalbeyat te ya xlokꞌat tal ta yoꞌtan te kereme, sok ma me chaꞌochanix tal a —xchi te Jesuse.

San Lucas 11:25

Te kꞌalal ya sujt bale, ya xkꞌo sta te yoꞌtan te winike jich tutꞌil na te lek jojchotesbil y lek mesbil.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.