San Lucas 11:10 - Nuevo Testamento Tzeltal de Amatenango

¹⁰ Porke te machꞌa ay tut ya skꞌambe te Diose, ya me xꞌaꞌbot yuꞌun. Sok te machꞌa ya sle te tut ya skꞌane, ya me sta. Sok te machꞌa ya xkꞌopoj ta tiꞌpuertae, ya me xjeꞌbot.

Bible in Tzeltal Bachajón

¹⁰ Como spisil mach'a ay bin ya sc'an, ya me yich'; te mach'a ya sle, ya me sta; soc te mach'a ya stij puerta, ya me xjambot.

Bible in Tzeltal de Oxchuc y Tenejapa

¹⁰ Melel te mach'a ay bila ya sc'anbey te Diose, jich ya x'ac'bot yu'un; soc te mach'a ya sle te bila ya sc'ane, jich me ya sta ta leel; soc te mach'a ya xc'opoj ta ti'naile, jich me ya xjambot.

San Lucas 11:10 ပူးပေါင်းရင်းမြစ်များ

San Mateo 5:42

Teme ay machꞌa ay tut ya skꞌanbeyate, aꞌbeya, sok ma me amak ta kꞌop te machꞌa ay tut ya skꞌan smajanbeyate.

San Mateo 7:8

Porke te machꞌa ay tut ya skꞌanbe te Diose, jich ya xꞌaꞌbot yuꞌun, sok te machꞌa ya sle te tut ya skꞌane, jich me ya sta ta leel, sok te machꞌa ya xkꞌopoj ta tiꞌpuertae, jich me ya xjeꞌbot.

San Lucas 11:11

“¿Me ay wan jtulukex te jaꞌex te tatilexe meꞌn ton ya awaꞌbey sweꞌ te anichꞌan teme ya skꞌambeyat yote? ¿Sok meꞌn chan ya awaꞌbe sweꞌ teme chay te skambeyate?

San Lucas 11:9

Jaꞌ yuꞌun ya kalbeyex: Kꞌambeyaik te Diose, jich me ya yaꞌbelex. Leaik te tut ya akꞌanike, jich me ya ataik ta leel. Kꞌopojanik ta tiꞌpuerta, jich me ya sjeꞌbeyex te Diose.

San Lucas 18:1

Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

Santiago 4:3

Ya akꞌanik pero ma xꞌataik, porke ma sluwariluk ya akꞌanik, yuꞌun ya akꞌanik ta slajinel nax te tut skꞌan skꞌupin te atiꞌbalulike.

Santiago 5:11

Yuꞌun te joꞌotike ya jnaꞌtik te jun yoꞌtanik a kujch yuꞌunik te wokole. Te jaꞌexe awaꞌiyejik tutiꞌ kujch yuꞌun swokol te Jobe. Sok anaꞌojik tutꞌil a xchap sok ta slajibal te Kajwaltike. Porke te Kajwaltike lom bayal skekil yoꞌtan y ya xkꞌuxutaywan.