San Lucas 10:42 - Nuevo Testamento Tzeltal de Amatenango

⁴² Pero jun nax te tut puersa ya skꞌane. Te xMariae la stꞌujix te tut a te leke. Maꞌyuk machꞌa ya xjuꞌ ya xpojbot yuꞌun —xchi.

Bible in Tzeltal Bachajón

⁴² Pero junax te bin ya sc'an spasel, te María ha stsahoj te banti bayel sc'oblal, ma ba ya yich' pojbeyel, xchi.

Bible in Tzeltal de Oxchuc y Tenejapa

⁴² Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

San Lucas 10:42 ပူးပေါင်းရင်းမြစ်များ

San Marcos 8:36

¿Tut yax lokꞌ awuꞌun a teme ya awuꞌunin spisil te balmilale teme ya xchꞌay te akuxlejale?

San Lucas 10:39

Te xMartae ay jtul yijtsꞌin te xMaria sbiile tal snajkan sba ta yok te Jesuse yuꞌun tal yaꞌibe sluwar te tut ya yale.

San Lucas 11:1

Ay jun buelta yipal ta skꞌoponel Dios te Jesuse ta jun luwar, kꞌalal laj yoꞌtane albot yuꞌun jtul jnopojel: —Kajwal, nojpesaotik ta skꞌoponel Dios euk, jich tutꞌil te Juane la snojpes te jnopojeletik yuꞌune —xchi.

San Lucas 12:20

Pero albot yuꞌun te Diose: “Ma xꞌanaꞌ kꞌinal. Mismo ajkꞌubal to ya me xchamat. Spisil te tut kꞌejbil awuꞌune, ¿machꞌa me ya yichꞌbeyat jilel?” xchi te Diose.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 16:2

Jich te jkꞌulej winike la stikon ta ikꞌel te yaj-kanane, y la yalbe: “Me jich te akꞌoplal te yipalon ta yaꞌiyele. Aꞌbon jil entregal te awaꞌtele, yuꞌun ma xjuꞌix te ya akanantaybon te stutik kuꞌune”, xyut.

San Lucas 16:25

“Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

San Lucas 8:18

Jaꞌ yuꞌun ya me awakꞌ ta awoꞌtanik a te tut ya awaꞌibeyik sluware. Porke te machꞌa ay tut yichꞌoje, ya me xꞌaꞌbot xan sjoy. Yan te machꞌa maꞌyuk tut ay yuꞌune ya xpojbot te tut yichꞌoj chꞌinuke —xchi te Jesuse.

San Juan 11:1

Ay jtul winik tabil ta chamel te jLazaro sbiil te ay ta jtejklum Betaniae. Jaꞌ slumal te xMariae y sok te xwixe jaꞌ te xMartae.

San Juan 11:19

Talemik bayal juriyoetik ta yulutayel te xMartae sok te xMariae yuꞌun tal sjunutesbe yoꞌtan te yuꞌun cham te yijtsꞌine.

San Juan 12:3

Te xMariae la yichꞌ tal ol wan litro perpume te nardo sbiil te lom toyol stojole, y la smalbe ta yok te Jesuse. Te nax a la stakutesbe ta stsotsil sjol. Spisil te yut nae noj ta yikꞌ te perpumee.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

1 Corintios 13:3

Y manchuk teme ya jpukbey meꞌbaetik spisil te tut ay kuꞌune, sok teme jun koꞌtan ya kakꞌ entregal ta chikꞌel te jtiꞌbalule, pero teme maꞌyuk xkꞌuxul koꞌtane, ni ma xtuunon me abi.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.