San Lucas 10:40 - Nuevo Testamento Tzeltal de Amatenango

⁴⁰ Yan te xMartae jaꞌ nax a bajt ta yoꞌtan spisil te tut ya spase. Jicha tal te ba ay te Jesuse y la yalbe: —Kajwal, ¿meꞌn ma yajtaluk awoꞌtan te makꞌ skoltayon ta spasel spisil te tut ya jpas te kijtsꞌine? Albeya te yauk xtal skoltayone —xchi.

Bible in Tzeltal Bachajón

⁴⁰ Pero te Marta c'opoj yo'tan yu'un te bayel bintic ya sc'an pasel, ha yu'un tal yalbe te Jesús: Cajwal, ¿ma bal ayuc sc'oblal ta awo'tan te jtuquel ya ya'bon jpas te a'tel te quihts'ine? Halbeya te yacuc scoltayon, xchi.

Bible in Tzeltal de Oxchuc y Tenejapa

⁴⁰ Yan te Martae ja' nax bajt' ta yo'tan sna'el spisil te bila ya xchajbane. Jich tal yalbey te Jesuse: —Cajwal, ¿ma bal ya awil te ma ba ya scoltayon ta spasel we'elil te quijts'ine? Albon me te yacuc scoltayone —xi'.

San Lucas 10:40 ပူးပေါင်းရင်းမြစ်များ

San Mateo 14:15

Te kꞌalal ya xꞌijkꞌubix a te kꞌinale, te jnopojeletik yuꞌun te Jesuse tal skꞌoponik. Jich a yalik: —Mal kꞌaalix. Maꞌyuk machꞌa ay sna liꞌto. Tikonaix bael te genteetike, yuꞌun ya xba sman tut ya sweꞌik lum ba chꞌin kolonyaetike —xchiik.

San Mateo 16:22

Jich te jPedroe la spit bael chꞌinuk te Jesuse, jicha ba yalbe: —Kajwal, manchuk jichuk ya skꞌan te Diose. Manchuk ya xkꞌot ta pasel ta akuenta —xyut.

San Marcos 3:21

Te tut ora la yaꞌiyik te machꞌatik ay yuꞌun te Jesuse, tal stsakꞌik bael yuꞌun la yalik te ya xjowiye.

San Lucas 10:38

Te Jesuse lijk xan bael ta beel y kꞌot ta jun kolonya. Ay jtul ants teꞌa te xMarta sbiile la yikꞌ ochel ta sna.

San Lucas 10:41

Jakꞌbot yuꞌun te Jesuse: —xMarta, bayal te tut baem ta awoꞌtan spasele. Ma me awakꞌ yajtal awoꞌtan yuꞌun.

San Lucas 12:29

Jaꞌ yuꞌun te jaꞌexe ma me xꞌawakꞌ yajtal awoꞌtanik sleel te tut ya aweꞌ sok ya awuchꞌike.

San Lucas 9:55

Te Jesuse la skꞌelulanbe sit yuꞌun, sok la skom. Jich a yal: —Te jaꞌexe ma xꞌanaꞌbeyik sluwar te tut ya skꞌan awoꞌtanike.

San Juan 11:1

Ay jtul winik tabil ta chamel te jLazaro sbiil te ay ta jtejklum Betaniae. Jaꞌ slumal te xMariae y sok te xwixe jaꞌ te xMartae.

San Juan 11:5

Te Jesuse manchuk me ben kꞌux ta yoꞌtan te xMartae sok te yijtsꞌine sok euk te jLazaroe,

San Juan 12:2

Teꞌ xchapik weꞌelil a yuꞌun ya sjoyin sbaik sok ta weꞌel te Jesuse. Te xMartae jaꞌa makꞌlinwan. Jich euk te jLazaroe la sjoyin ta weꞌel ta mexa te Jesuse sok te sjoꞌtake.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.