San Lucas 10:25 - Nuevo Testamento Tzeltal de Amatenango

²⁵ Ay jtul maestro yuꞌun te mantaliletike la stejkꞌan sba, ba skꞌopon sba sok te Jesuse, yuꞌun ya skꞌan yilbe yoꞌtan. La sjojkꞌobe: —Maestro, ¿tut lek ya skꞌan ya jpas yuꞌun ya xkꞌo jta te jkuxlejal sbajtel kꞌinale? —xchi.

Bible in Tzeltal Bachajón

²⁵ Ay jtuhl maestro yu'un te Ley te la stehc'an sba ta stojol Jesús yu'un ya stsaj, hich la yalbe: Maestro, ¿bin ya sc'an ya jpas scuenta yu'un ya quich' jcuxlejal sbahtel q'uinal? xchi.

Bible in Tzeltal de Oxchuc y Tenejapa

²⁵ Ay jtul maestro yu'un te mandalile, la stejc'an sba jajch'el sc'opon te Jesuse, yu'un la sc'an yilbey yo'tan. Jich la yal: —Maestro, ¿bila lec ya sc'an ya jpas te ya xcuxinucon sbajt'el q'uinal yu'une? —xi'.

San Lucas 10:25 ပူးပေါင်းရင်းမြစ်များ

San Marcos 10:17

Te kꞌalal xlijkꞌ xan ta beel te Jesuse, tsꞌin xyaletal jtul winik. Jul skejan sba ta yok te Jesuse y la sjokꞌobe: —Maestro te ben lekate, ¿tut lek ya jpas yuꞌun ya xkuxiyinon sbajtel kꞌinale? —xchi julel.

San Marcos 10:3

La sjakꞌ te Jesuse: —¿Tut xchi te smantal te Moisese? —xchi.

San Marcos 12:28

Ay tul maestro yuꞌun te mantaliletike te tal ta stseꞌel te Jesuse. La yaꞌi sluwar te tut a yalbey sbaike sok la yil te lek a sujtesbe te skꞌopike. Jich a sjojkꞌobe euk: —Ta spisil te mantaliletike, ¿ba me ay te tulan skꞌoplal ta pasele? —xchi.

San Lucas 10:24

Jich ya kalbeyex: Ay bayal jꞌalwanejetik yuꞌun Dios sok bayal reyetik te yoꞌtanuk lauk yilik te tut yipalex ta yilel te jaꞌexe, pero ma yilik. Yoꞌtanuk lauk yaꞌiyik sluwar te tut yipalex ta yaꞌiyel sluwar te jaꞌexe, pero ma yaꞌiybeyik sluwar stukelik —xchi te Jesuse.

San Lucas 10:26

La sjakꞌ te Jesuse: —¿Tut yaꞌiyel ya awaꞌi te tsꞌibabil jilel ta mantaliletike? ¿Tut xchi ya awaꞌi te ya awile? —xchi.

San Lucas 18:18

Ay jtul te machꞌa statal yuꞌun te juriyoetik la sjojkꞌobey te Jesuse: —Ben lekat Maestro. ¿Tut ya skꞌan ya jpas te tutꞌil ya jta te jkuxlejal sbajtel kꞌinale? —xchi.

San Lucas 7:30

Yan te fariseoetike sok te maestroetik yuꞌun te mantaliletike te ma akꞌtalanbot ichꞌjaꞌ yuꞌun te Juane la spꞌajik te tutꞌil kꞌan yichꞌik kꞌuxutayel yuꞌun te Diose.

San Juan 8:6

Te tutꞌil jich a yalbeyike yuꞌun ya yilbeyik yoꞌtan, yuꞌun jich ya slebeyik smul a. Pero te Jesuse la snijan sba koel, y lijk stsꞌiba ta lum sok yal skꞌab.

Gálatas 3:18

Porke teme jaꞌ ya kichꞌtik te bendision ta skuenta te mantaliletike, ma jaꞌukix a te tut japbile. Pero te Diose la yaꞌbe te tut sjapojbe te jꞌAbrahame te ta majtan naxe.