San Lucas 10:17 - Nuevo Testamento Tzeltal de Amatenango

¹⁷ Te setenta ta jtule ben kontentoik te kꞌalal a sujtik tale. Jich a yalik: —Kajwal, asta te pukujetike la xchꞌuumbotik jmantaltik ta akuenta —xchiik julel.

Bible in Tzeltal Bachajón

¹⁷ Bayel yutsil yo'tanic a suhtic tal te lajuneb schanwinic (70) ta tuhl, hich la yalic: ¡Cajwal, ha nix hich te pucujetic ac'otic ta jcuentacotic ta scuenta abihil! xchihic.

Bible in Tzeltal de Oxchuc y Tenejapa

¹⁷ Te lajuneb xchanwinic (70) ta jtule, ay bayal sbujts' yo'tanic te c'alal sujt'ic tele. Jich la yalic: —Cajwal, asta te pucujetic la xch'uunbotic jmandaltic ta swenta abiil —xiic julel.

San Lucas 10:17 ပူးပေါင်းရင်းမြစ်များ

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Marcos 16:17

Sok ya me xchiknaj señailetik ta skuentaik te machꞌatik ya xchꞌuunike. Joꞌon ta jkuenta ay me ya slokꞌesik pukujetik, sok ay me ya xkꞌopoj ta yan kꞌopetik,

San Lucas 10:1

Ta patil te Kajwaltike la stuj xan setenta ta jtul winketik. Ta cheb cheb a stikonlan bael ta spisil te jtejklum te ba luwaretik te ba puersa ya xkax ae.

San Lucas 10:20

Pero ma me jaꞌuk nax ben jun awoꞌtanik yuꞌun te tutꞌil ya xchꞌuumbeyex amantalik te pukujetike. Jaꞌuk me ben jun awoꞌtanik yuꞌun te tutꞌil tsꞌibabilix abiilik te ba chꞌulchane —xchi te Jesuse.

San Lucas 10:9

Lekutesbeya xchamelik te jayeb ayik ta chamel teꞌ ae. Y jich me xꞌawalbeyik: “Nopol ya xlijkix ta mantal te Kajwaltik Dios te ba ayexe —xchaex me.

San Lucas 9:1

Te Jesuse la stsob tal ta stojol te lajchaytul jnopojeletik yuꞌune. La yaktalanbe spoderik, sok yaꞌtelik ta slokꞌesel pukujetik, sok ta slekutesel jchameletik.

Romanos 16:20

Te Dios te ay bujtsꞌan kꞌinal ta skuentae, nopolix te ya yaꞌbeyex apuchꞌik ta tekꞌel te pukuje. Te Kajwaltik Jesucristoe a me yaꞌbeyex bendision.

Efesios 5:24

Y jich tutꞌil te hermanoetik te jaꞌ xchꞌuunejbe smantal te Cristoe, jich euk te antstik te ay smamlalike ya skꞌan te spisil ya xchꞌuunbe smantal te smamlalike.