San Lucas 1:74 - Nuevo Testamento Tzeltal de Amatenango

⁷⁴ te ya me skoltayotik tal lokꞌel ta skꞌab te jkontratike. Jich me maꞌyuk machꞌa ya xiꞌotik yuꞌun teme ya kakꞌ jbatik ta mantaltesel yuꞌune.

Bible in Tzeltal Bachajón

⁷⁴ ha te ya scoltayotic loq'uel ta sc'ab te jcontratic, te hich mayuc xiwel te ya cac' jbahtic ta a'batinel yu'un

Bible in Tzeltal de Oxchuc y Tenejapa

⁷⁴ te ya me scoltayotic loq'uel ta libre ta sc'ab te cajcontrotique. Jich me ma'yuc xiwel ya caiytic te ya cac' jbatic ta abatinel yu'une.

San Lucas 1:74 ပူးပေါင်းရင်းမြစ်များ

San Lucas 1:71

te ya skoltayotik lokꞌel ta skꞌab te jkontratike sok ta skꞌab te machꞌatik ya spꞌajotike.

San Lucas 1:73

Jaꞌ te jmel nax yaloj ta stojol te antibo jtatik Abrahame

San Lucas 1:75

Jich lek kaꞌteltik sok jun koꞌtantik ta stojol te jayeb kꞌaal kuxulotike.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

2 Timoteo 1:7

Yuꞌun te Diose ma jaꞌuk a yaꞌbotik te ya xiꞌotike. Sino ke ya yakꞌbotik yip koꞌtantik sok skꞌuxul koꞌtantik, sok te ya jnaꞌtik tutꞌil ya skꞌan ya xꞌaꞌtejotik.

Hebreos 2:15

Jich a yakꞌix ta libre spisil te machꞌatik pajal kꞌoemik sok mosoetik ta skaj te xiꞌojik milel te jayeꞌ kꞌaal kuxulike.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.