San Lucas 1:20 - Nuevo Testamento Tzeltal de Amatenango

²⁰ Pero ma la achꞌuun. Jaꞌ yuꞌun ya me xkꞌajtajat ta umaꞌ. Ma xlokꞌ akꞌop jaꞌ to te tut ora ya sta skꞌaalel te tuti kalixe —xchi te chꞌul ángele.

Bible in Tzeltal Bachajón

²⁰ Yo'tic uma' ya xhilat, ma xhu' ya xc'opojatix ha to c'alal ya xc'oht ta pasel bin la jcalbat, como ma ba la ach'uhumbon te jc'op te ya xc'oht ta pasel ta mero yorahil, xchi sc'oblal.

Bible in Tzeltal de Oxchuc y Tenejapa

²⁰ Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

San Lucas 1:20 ပူးပေါင်းရင်းမြစ်များ

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Lucas 1:19

Te chꞌul ángele la sjakꞌ: —Joꞌon Gabrielon te ayon ta abatinel yuꞌun te Diose. Stukel a stikonon tal ta atojol yuꞌun tal kalbeyat te tut lek ya xꞌkot ta pasel ta atojole.

San Lucas 1:21

Yan te genteetik yuꞌun te jtejklume yipalik ta smaliyel ta yamakꞌul templo te ya xlokꞌ tal te Zacariase. Lijk sojkꞌobe sbaik yuꞌun ma xlokꞌ tal ta ora te ba yutil temploe.

San Lucas 1:22

Kꞌalal lokꞌ tal tsꞌin te Zacariase, ma lokꞌix skꞌop ta skꞌoponel a te jtejklume. Jich a snaꞌbeyik sluwar te yuꞌun ay tuti yil ta yutil te temploe. La xanix xbechulan skꞌab ta seña ya yil te jtejklume, jich a spasulan yuꞌun ma xlokꞌix skꞌop a.

San Lucas 1:45

Ben me tsaꞌam alekil yuꞌun te la achꞌuumbe skꞌop te Kajwaltike. Jich me ya xkꞌot ta pasel te tuti yalixe —xchi te sꞌElisabete.

San Lucas 1:64

Te kꞌalal laj yoꞌtan ta stsꞌibayele te Zacariase, jam stiꞌ. Lijk yalbe kola yal te Diose.

Romanos 3:3

¿Pero, tut ya sta a teme ma junuk yoꞌtan jtul chebuke? ¿Me yuꞌun wan teꞌ sjilesotikix a te Diose teme ma junuk koꞌtantike?

2 Timoteo 2:13

Teme ma junuk koꞌtantike, sigue jun yoꞌtan stukel. Porke maꞌyuk ya xyanej yoꞌtan stukel.

Tito 1:2

te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Hebreos 6:18

Jich ay xchaꞌkajal te tutik te ma xjuꞌ xyaneje, yuꞌun maꞌ xjuꞌ ya sle lot te Diose. Jich la kichꞌtikix yip koꞌtantik te joꞌotik te la jlejtik koltayel yuꞌun Diose, y smukꞌulinej koꞌtantik te ya jmalitik te tut ya yakꞌbotike.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.