San Lucas 1:15 - Nuevo Testamento Tzeltal de Amatenango

¹⁵ Yuꞌun te anichꞌane mukꞌ me ya xkꞌot ta sit te Diose. Makꞌ me yuchꞌ bino sok te yanetik uchꞌbalile. Nojelix ta yoꞌtan te Chꞌul Espíritu te tut ora ya xꞌayine.

Bible in Tzeltal Bachajón

¹⁵ como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

Bible in Tzeltal de Oxchuc y Tenejapa

¹⁵ Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

San Lucas 1:15 ပူးပေါင်းရင်းမြစ်များ

San Lucas 1:14

Ben me sniꞌ xꞌawaꞌiy yuꞌun, y bayal me machꞌa ben sniꞌ xyaꞌiyik yuꞌun te tut ora ya xꞌayine.

San Lucas 7:28

Ya kalbeyex te maꞌyuk jtuluk jꞌalwanej chiknajem ta yolil genteetik te pajal yaꞌtel sok te Juan Akꞌichꞌjaꞌe. Pero te machꞌa chꞌin ay te ba ay ta ajwalil te Jtatik Diose, jaꞌ me mukꞌ ay yuꞌun te Juane —xchi te Jesuse.

San Lucas 7:33

Porke te kꞌalal tal te Juan Akꞌichꞌjaꞌe, ma weꞌ ta lek sok maꞌyuk a yuchꞌ bino. Y te jaꞌexe la awalik te ay pukuj ta yoꞌtane.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Gálatas 1:15

Pero Dios a stꞌujon ta nail to te ma to xꞌayinon ae, y ta skuenta skꞌuxul yoꞌtan te la yikꞌone.

Efesios 5:18

Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.