San Juan 9:35 - Nuevo Testamento Tzeltal de Amatenango

³⁵ Te Jesuse la yaꞌi te tenotix lokꞌel a te machꞌa chok ta nail toe. Te kꞌalal la sta sba soke, la sjojkꞌobe: —¿Me ya achꞌuun te Nichꞌanile? —xchi.

Bible in Tzeltal Bachajón

³⁵ La ya'iy te Jesús te tenot loq'uel te winique. C'alal la sta, hich la yalbe: ¿Ya bal ach'uhun te Snich'an Dios? xchi.

Bible in Tzeltal de Oxchuc y Tenejapa

³⁵ La yaiy stojol Jesús te la sloq'uesiquix te mach'a ma'sit ta neelale. La sta sba soc te winique. Jich la yalbey: —¿Ya bal ach'uun te Snich'an Diose? —xi'.

San Juan 9:35 ပူးပေါင်းရင်းမြစ်များ

San Mateo 14:33

Jich te machꞌatik ayik ta barkoe la skejan sbaik ta sit te Jesuse. Jich a yalik: —Yuꞌun nanix jaꞌat a te Xnichꞌanat te Diose —xchiik.

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

San Marcos 1:1

Jich a lijk tal te lekil achꞌ kꞌop yuꞌun te Jesucristoe, jaꞌ te Xnichꞌan Diose.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 1:34

Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 11:27

La yal te xMartae: —Jich, Kajwal. Jchꞌuunej te jaꞌat Cristoat te xNichꞌanat te Diose te kaꞌiyejbetik sluwar te ya xtal ta balmilale —xchi.

San Juan 20:28

La yal te jTomase: —¡Kajwal kuꞌun! ¡Dios kuꞌun! —xchi.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 5:14

Ta patil te Jesuse la sta ta mukꞌul templo y la yalbe: —Ila awil, ya kalbeyat: Te ora to lekubatix, ma me aleix amul, yuꞌun ma me masuk pewor ya sujtat ke te tut ayat nail toe —xꞌutot.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

San Juan 9:22

Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

San Juan 9:34

Jich a altalanbot yuꞌunik: —Te jaꞌate nojel ta mulil a ayinat. ¿Me yuꞌun ya akꞌan ya apꞌijutesotik? —xyutik. Y jich a stenik lokꞌel ta sinagoga.

Hechos 8:36

Te kꞌalal yipalik kꞌael ta beel ae, ay jaꞌ a staik te tiꞌbe. Te etiope-winike la yal: —Ay jaꞌ liye. ¿Me ma spas te ya kichꞌ jaꞌe? —xchi.

Hechos 8:37

Te Felipe la yalbe: —Teme spꞌejel awoꞌtan ya achꞌuune, ya spas ya awichꞌ te jaꞌe —xchi. Y te winike la sjakꞌ: —Ya jchꞌuun te jaꞌ Xnichꞌan Dios te Jesucristoe —xchi.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

Romanos 1:4

Pero te kꞌalal chaꞌkux tal te ba animaetike ta skuenta te Chꞌul Espíritu, jamal a akꞌot ta ilel te jaꞌ Xnichꞌan Dios te aꞌbot bayal spodere.

Romanos 10:20

Sok la yaꞌbon jnaꞌ xan te Isaiase: “Te machꞌatik makꞌ sleikone ya me staikon, y ya me kakꞌ jba ta ilel yuꞌun te machꞌatik makꞌ sjojkꞌoyikone”, xchi me.

1 Juan 4:15

Machꞌauk a te ya yal ta jamal te jaꞌ Xnichꞌan Dios te Jesuse, kuxulix ta stojol Dios y Dios ayix ta yoꞌtan.

1 Juan 5:10

Te machꞌa ya xchꞌuun te Xnichꞌan Dios, ay ta yoꞌtan te testigo-kꞌope. Te machꞌa ma xchꞌuune, jaꞌ skuyoj ta jle-lot te Diose, porke ma xchꞌuun te testigo-kꞌop te Dios a yalbe ta skuenta te Xnichꞌane.

1 Juan 5:13

La jtsꞌibabeyex to jaꞌex te achꞌuunejik te Xnichꞌan Diose, yuꞌun jich me ya anaꞌik te ay akuxlejalik sbajtel kꞌinale.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

1 Juan 5:5

Te machꞌa ya xchꞌuun te jaꞌ Xnichꞌan Dios te Jesuse, ya me stsal te balmilale.

3 Juan 1:10

Jaꞌ yuꞌun te kꞌalal ya xtalone, ya me kalbe ta jamal te tut ma tsaꞌamuk ya spase. Yuꞌun ya yaltalan kꞌael jontol kꞌop aꞌbiyej sok le-lot te skontrainejotike. Sok ay to xan yan te tut ya spase: Jaꞌ te ma skꞌan xyikꞌ te hermanoetik te ya xlaj kꞌote. Sok ya skomtalan te machꞌatik ya skꞌan ya yikꞌike, y ya stentalan lokꞌel te ba ay te hermanoetike.