San Juan 9:31 - Nuevo Testamento Tzeltal de Amatenango

³¹ Lom lek ya jnaꞌtik te Diose ma xyaꞌibe skꞌop te mulawiletike. Jaꞌ nax ya yaꞌibe skꞌop te machꞌatik ya xchꞌuunik sok te ya spasbe te sboluntare.

Bible in Tzeltal Bachajón

³¹ Jna'ojtic te ma x'a'iybot sc'opic yu'un Dios te jmulawiletique; yan te mach'a ha xi'oj te Dios soc te ya spasbe te bin ya sc'an yo'tan, ya x'a'iybot sc'op yu'un stuquel.

Bible in Tzeltal de Oxchuc y Tenejapa

³¹ Jna'ojtic stojol ta jpisiltic te Dios ma xyaiybey stojol sc'op te jmulawiletique. Ja' nax ya yaiybey stojol sc'op te mach'atic jun yo'tanic ta stojole soc te ya spas te bila ya sc'an yo'tane.

San Juan 9:31 ပူးပေါင်းရင်းမြစ်များ

San Juan 11:22

Pero ya jnaꞌ te ora to spisil te tut ya akꞌanbe te Diose ya yaꞌbeyat —xchi.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

San Juan 9:30

Pero te winik la sjakꞌtalanbe: —Lom yan ya kaꞌi te ya awalik te ma xꞌanaꞌik ba taleme. Yan te joꞌone la sjambonix jsit.

San Juan 9:32

Maꞌyuk ba ya kaꞌitik xꞌalot ni jtuluk te ya sjambe sit te machꞌa chok ya xꞌayine.

Hebreos 10:7

Jich a kal: ‘Liꞌ ayon to, jich tutꞌil tsꞌibabil jkꞌoplal ta june, yuꞌun ya jpas te tut skꞌanojel awoꞌtan, te jaꞌat Diosate’, xchion”, xchi me.