San Juan 9:29 - Nuevo Testamento Tzeltal de Amatenango

²⁹ Te joꞌotike jnaꞌojtik te Dios a kꞌoponot yuꞌun te jMoisese, yan te machꞌa ya awale, ni ma jnaꞌtik ba talem —xchiik.

Bible in Tzeltal Bachajón

²⁹ Jna'ojcotic te c'oponot yu'un Dios te Moisés, pero te winic ini, ma jna'cotic ban talem stuquel, xchihic.

Bible in Tzeltal de Oxchuc y Tenejapa

²⁹ Jna'ojtic stojol jo'otic te c'oponot yu'un Dios te Moisese. Yan te mach'a ya awale, ni ya jna'tic stojol xujt'uc te banti taleme —xiic.

San Juan 9:29 ပူးပေါင်းရင်းမြစ်များ

San Mateo 12:24

Te kꞌalal la yaꞌiybeyik sluwaril te fariseoetike, jich a yalik yuꞌun: —Te winik to jaꞌ ay ta skuenta Beelzebu te mero statal-pukuj. Jicha ya slokꞌes te pukujetike —xchiik.

San Mateo 26:61

te la yalik euk: —Te winik to la yal: “Ya xjuꞌ kuꞌun sjimel te templo yuꞌun te Diose, sok ya xjuꞌ kuꞌun te ya jchaꞌpas xan ta oxeb nax kꞌaale”, xchi a kaꞌitik —xchiik.

San Lucas 23:2

Teꞌ kꞌo slebeyik smul a. La yalik: —Te winik to ya slijkes kꞌop yuꞌun te jlumaltike. Ya yal te ma xjuꞌ ya jtojtik jtojemaltik yuꞌun te mukꞌul rey Cesare. Y ya yal te jaꞌ Cristo te rey stukele —xchiik.

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

San Juan 7:27

Pero te joꞌotike jnaꞌojtik ba talem. Yan te kꞌalal ya xtal te Cristoe, ni maꞌyuk machꞌa ya snaꞌ te ba ya xtale —xchiik.

San Juan 7:28

Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

San Juan 8:14

Te Jesuse la sjakꞌtalanbe: —Te tut ya kale bale stukel, aunke joꞌon nax mismo ya kal jba. Yuꞌun te joꞌone jnaꞌoj te ba talemone y jnaꞌoj te ba ya xboone. Yan te jaꞌexe ma xꞌanaꞌik ba talemon, y ma xꞌanaꞌik ba ya xboon.

San Juan 9:16

Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

San Juan 9:24

Te juriyoetike la yikꞌik xan tal te winik te machꞌa chok nail toe, y la yalbeyik: —Albotik jamal ta stojol Dios te machꞌa la sjambeyat te asite. Te joꞌotike jnaꞌojtik te jmulawil te winik ya awale —xchiik.

San Juan 9:30

Pero te winik la sjakꞌtalanbe: —Lom yan ya kaꞌi te ya awalik te ma xꞌanaꞌik ba taleme. Yan te joꞌone la sjambonix jsit.

Hechos 22:22

La yaꞌiyik te jich a yal te jPabloe. Jicha lijkik ta yawutayel: —¡Te winik to makꞌ skꞌan xkuxuyin! ¡Aꞌ chꞌayuk skꞌoplal liꞌ ba balmilale! —xchiik ta yawutayel.

Hechos 26:22

Pero yuꞌun te koltayel yuꞌun te Diose, jich jun koꞌtan asta ora to, y spisil chꞌin ta mukꞌ ya kalbe te skꞌop Diose. Maꞌyuk yan te tut ya kalbeyexe, jaꞌ nax ya kal te tut yaloj te jꞌalwanejetike sok te jMoises te jich ya xkꞌot ta pasele:

Hechos 7:35

Manchuk me te israeletik spꞌajojik te jMoisese te jich a yalbeyike: “¿Machꞌa yaꞌbeyat awaꞌtel ta statalil y ta alkalil?” te xchiik yuꞌune, Dios a stikon bael jich tutꞌil statal y jkoltawanej ta skuenta te chꞌul ángel te chiknaj ta jwol wamal te ay xchꞌixal te yipal ta tilele.

Hebreos 1:1

Te nameye, bayal buelta Dios la skꞌopon te antibo jmeꞌ-jtatike ta skuenta te jꞌalwanejetike. Bayal buelta la skꞌopone sok lebot yuꞌun tutꞌil ya xkꞌot ta yoꞌtanik.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.