San Juan 9:24 - Nuevo Testamento Tzeltal de Amatenango

²⁴ Te juriyoetike la yikꞌik xan tal te winik te machꞌa chok nail toe, y la yalbeyik: —Albotik jamal ta stojol Dios te machꞌa la sjambeyat te asite. Te joꞌotike jnaꞌojtik te jmulawil te winik ya awale —xchiik.

Bible in Tzeltal Bachajón

²⁴ Ha yu'un la scha'ticonic ta iq'uel tal te winic te ts'o'sit ta nahil to, hich la yalbeyic: ¡Halbeya yutsilal te Diose! Jna'ojcotic te ha jmulawil te winique, xchihic.

Bible in Tzeltal de Oxchuc y Tenejapa

²⁴ Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

San Juan 9:24 ပူးပေါင်းရင်းမြစ်များ

San Marcos 15:27

Sok ay cheb elekꞌetik te la yichꞌik jokꞌanel ta krus soke, jtul ta sbatsꞌil sok jtul ta xkꞌexom.

San Lucas 15:2

Pero te fariseoetike sok te maestroetik yuꞌun te mantaliletike lijk yaꞌbiyanik ta mukul. Jich a yalik: —Te winik to jun yoꞌtan sjoyinej sba sok ta weꞌel te jmulawiletike —xchiik ta yaꞌbiyanel ta mukul te Jesuse.

San Lucas 19:7

Kꞌalal la yilik, spisil te genteetike lijk yikꞌtinik te Jesuse. Jich ya yalik: —¿Tuꞌun te ba ochuk ta sna te jmulawile? —xchiik.

San Lucas 7:39

Te fariseoe te ikꞌawan ta weꞌele la yil te tuti spas te antse. Jich a yal ta yoꞌtan: “Te jaꞌuk jꞌalwanej yuꞌun Dios te winik to, ya snaꞌ te jichuke te tutꞌil jmulawil-ants te tal pikbek yok yuꞌune”, xchi ta yoꞌtan.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 16:2

Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

San Juan 18:30

La yalik; —Te jich tsaꞌamuk yaꞌtele maꞌ kikꞌtik tal ta atojol te jichuke —xchiik.

San Juan 19:6

Kꞌalal la yilik te stataletik yuꞌun te saserdoteetike sok te polisiaetike, lijk yawutayik: —¡Mila ta krus! ¡Mila ta krus! —xchiik. Te jPilatoe la yaltalanbe: —Ikꞌaik bal abi, ban milaik ta krus atukelik. Porke te joꞌone ni maꞌyuk a jtabe smul —xchi.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Juan 8:46

¿Me ay jtulukex te ya yakꞌ ta ilel te ay jmule? Teme ya kal te tut batsꞌi jiche, ¿tuꞌun te ma xꞌachꞌuunik teꞌ?

San Juan 8:49

Te Jesuse la sjakꞌtalanbe: —Ni maꞌyuk pukuj ta koꞌtan. Te tut ya jpase jaꞌ ya kakꞌ ta akꞌel ta jkuenta a te jTate. Yan te jaꞌexe ma baleukon ta awoꞌtanik.

San Juan 9:16

Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

San Juan 9:25

Te machꞌa jamenix site la sjakꞌtalanbe: —Te joꞌone ma jnaꞌ me jmulawil o ma jmulawiluk. Jaꞌ nax ya jnaꞌ te joꞌone te chokon te nail toe, pero te ora to ya kilix kꞌinal —xchi.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Apocalipsis 11:13

Y mismo tiempo ya xtal tulan jikichab, y ta skaj te jikichabe ya xjem koel xejtꞌ ta slajunxejtꞌel te mukꞌul jtejklume, y siete mil ta jtul gente ya xcham. Te machꞌatik kuxajtik to jilele, ben xlaj xiꞌik sok ya la yalbeyik slekilal te Dios te ay ta chꞌulchane.