San Juan 9:22 - Nuevo Testamento Tzeltal de Amatenango

²² Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

Bible in Tzeltal Bachajón

²² Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

Bible in Tzeltal de Oxchuc y Tenejapa

²² Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

San Juan 9:22 ပူးပေါင်းရင်းမြစ်များ

San Lucas 6:22

Ben me tsaꞌam alekilik jaꞌex teme ayex ta ilintayel yuꞌun te genteetike, sok teme ya stenex lokꞌele, sok teme ya sbol-kꞌoptayexe, sok teme ya spꞌajex te tutꞌil ma tsaꞌamukex ta skꞌopike teme jaꞌ ta skaj te Nichꞌanile.

San Juan 1:19

Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

San Juan 16:2

Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

San Juan 19:38

Ay jtul winik Jose sbiil, te talem ta chꞌin jtejklum Arimatea, te ay ta jnopojel yuꞌun Jesus. Pero mukul nax ay, yuꞌun ya xiꞌ te statal juriyoetike. Te Josee ba skꞌanbe permiso te jPilatoe te yauk yichꞌbe bael stiꞌbalul te Jesuse. Te jPilatoe la yakꞌ permiso, y te Josee ba yichꞌbe bael stiꞌbalul te Jesuse.

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

San Juan 7:13

Pero mukul nax yipalik ta yaꞌbiyanel skaj te ya xiꞌik te statal juriyoetike.

San Juan 9:18

Pero te juriyoetike maꞌ skꞌan xchꞌuunik teme jaꞌa nix a te chok te nail toe te ya yilix kꞌinale. Jaꞌ yuꞌun ba yikꞌbeyik tal te smeꞌ-state,

San Juan 9:21

Pero ma jnaꞌtik tutꞌil ay te ya yilix kꞌinal te ora to, y ni ma jnaꞌtik machꞌa jambot sit yuꞌun. Jojkꞌobeyaik stukel, porke winikix. Stukel ya yalbeyex tutꞌil ay —xchiik.

San Juan 9:34

Jich a altalanbot yuꞌunik: —Te jaꞌate nojel ta mulil a ayinat. ¿Me yuꞌun ya akꞌan ya apꞌijutesotik? —xyutik. Y jich a stenik lokꞌel ta sinagoga.

San Juan 9:35

Te Jesuse la yaꞌi te tenotix lokꞌel a te machꞌa chok ta nail toe. Te kꞌalal la sta sba soke, la sjojkꞌobe: —¿Me ya achꞌuun te Nichꞌanile? —xchi.

Hechos 4:18

Jicha ba yikꞌik xan tal ochel y tulan a yalbeyik te makꞌ yakꞌikix ta nopel a te skꞌoplal sbiil te Jesuse.

Hechos 5:13

Ni jtul maꞌyuk machꞌa te lom nax a tal stsob sbaik soke. Pero te genteetike ben akꞌtalanbil ta jkuenta yuꞌun.

Hechos 5:40

Spisil te machꞌatik ay yaꞌtele la xchꞌuunik. Jicha yikꞌik ta ochel te apostoletike. La yaꞌbeyik aresial y la skomik te makꞌ yalikix a te skꞌoplal Jesuse. Patil la skolesik bael.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.