San Juan 8:59 - Nuevo Testamento Tzeltal de Amatenango

⁵⁹ Jich te juriyoetike la stamik ton yuꞌun kꞌan yaꞌbeyik te Jesuse, pero te Jesuse la snakꞌ sba y lokꞌ bael te ba temploe, y bajt.

Bible in Tzeltal Bachajón

⁵⁹ Hich la stamticlanic ton yu'un ya sch'ojic a, pero la snac' sba te Jesús, loc' bahel ta Templo, c'ax ta yohlilic, baht.

Bible in Tzeltal de Oxchuc y Tenejapa

⁵⁹ Jich yu'un la stsaquic ton xch'ojic a te Jesuse, ja'uc me to, la snac' sba. Loc' ta templo. C'ax ta yolilic. Jich bajt'.

San Juan 8:59 ပူးပေါင်းရင်းမြစ်များ

San Mateo 12:14

Jich te fariseoetike lokꞌik bael, ba snopik te tut ya yut ya smilik te Jesuse.

San Lucas 24:31

Mismo tiempo a, laj jam sitik y la snaꞌbeyik sba te Jesuse. Te nax a te Jesuse chꞌay bael ta sitik.

San Juan 11:54

Jaꞌ yuꞌun te Jesuse maꞌ beenix ta sitil komon a te ba juriyoetike. Lokꞌ bael teꞌa te ba estado yuꞌun Judea y bajt ta jun luwar ta jun jtejkꞌum te Efrain sbiil te nopol ay sok te jojchol luware. Teꞌ anin sok a te jnopojeletik yuꞌune.

San Juan 11:8

Te jnopojeletike la yalbeyik: —Maestro, ma to nax ayuk kꞌaal te juriyoetike kꞌan smilat ta wolel ta ton teꞌa. ¿Tut yuꞌun ya akꞌan sujtat bael teꞌa? —xchiik.

San Juan 12:36

Chꞌuunaik me te sakil kꞌinale yuꞌun liꞌ to xan me ay awuꞌunik to, yuꞌun jich me yuꞌun ya xkꞌoex te sakil kꞌinale —xchi te Jesuse. Ta patil kꞌalal laj yoꞌtan te yalel to, bajt te Jesuse. Ma yilik ba bajt.

San Juan 18:31

Te jPilatoe la yaltalanbe: —Ikꞌaik bael te jaꞌexe y ban chapaik, chikan te tut ay te mantaliletik awuꞌunike —xyut. La yalik te juriyoetike: —Pero te joꞌotike maꞌyuk orden kuꞌuntik te ay machꞌa ya kakꞌtik ta milele —xchiik.

San Juan 5:13

Pero te mamale ma snaꞌ te machꞌa lekutesot yuꞌune, porke te Jesuse la xchꞌay sba bael ta yolil te ba ay bayal gentee.

San Juan 9:1

Te kꞌalal yipal kꞌael ta kꞌaxel ta jun luwar a te Jesuse, la yil jtul winik te chok ayineme.

Hechos 7:57

Pero la smak xchikinik, y tulan a lijk awunikuk, y la sjum sbaik tal ta stsakel te jꞌEstebane.