San Juan 8:47 - Nuevo Testamento Tzeltal de Amatenango

⁴⁷ Te machꞌatik yuꞌun te Diose ya yaꞌibe sluwar te skꞌop Diose. Pero ta skaj te ma yuꞌunukex te Diose, jich ma xꞌakꞌan xꞌawaꞌibeyik sluwar te skꞌope —xchi te Jesuse.

Bible in Tzeltal Bachajón

⁴⁷ Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

Bible in Tzeltal de Oxchuc y Tenejapa

⁴⁷ Te mach'atic yu'un te Diose, ya yaiybeyic stojol te sc'ope. Yan te bit'il ma yu'unuquex te Diose, jich ma x'ac'an awaiybeyic stojol te bila ya yale —xi' te Jesuse.

San Juan 8:47 ပူးပေါင်းရင်းမြစ်များ

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 5:25

Jamal ya kalbeyex, ya staix yorail, y yorailix te ora to te ya yaꞌibe sluwar te animaetik te skꞌop te xNichꞌan Diose. Y te machꞌa ya yaꞌiye, ya xkuxuyinik yuꞌun.

San Juan 6:65

Jich la yal xan: —Jaꞌ yuꞌun la kalbeyex te maꞌyuk machꞌa ya xtal ta jtojol te manchuk ya xꞌikꞌot tal yuꞌun te Tatile —xchi.

San Juan 8:37

Jnaꞌoj te jaꞌexe jaꞌ stsꞌumbalex te jꞌAbrahame. Pero ya akꞌan ya amilikon, porke ma xꞌachꞌuunik te jkꞌope.

San Juan 8:43

¿Tut yuꞌun te ma xkꞌot ta awoꞌtanik te tut ya kalbeyexe? Yuꞌun ma xꞌakꞌanik ya awaꞌibikon sluwar te jkꞌope.

San Juan 8:45

Pero te joꞌone jaꞌ ya kal te tut batsꞌi jiche, y te jaꞌexe ma xꞌachꞌuunbikon.

1 Juan 3:10

Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

3 Juan 1:11

Hermano te kꞌuxat ta koꞌtane, ma me jaꞌuk xꞌatsꞌakliy te tut ma lekuk ya spase; jaꞌuk me xꞌatsꞌakliy te tutik leke. Te machꞌa lek te tut ya spase, jaꞌ yuꞌun te Diose; pero te machꞌa ya spas te tut ma lekuke, yuꞌun ma snaꞌbe sba te Diose.