San Juan 8:46 - Nuevo Testamento Tzeltal de Amatenango

⁴⁶ ¿Me ay jtulukex te ya yakꞌ ta ilel te ay jmule? Teme ya kal te tut batsꞌi jiche, ¿tuꞌun te ma xꞌachꞌuunik teꞌ?

Bible in Tzeltal Bachajón

⁴⁶ ¿Ay bal jtuhlex te ya xhu' ya yal te ay jmule? Teme smelelil te bin ya cal, ¿bin yu'un ma ba yac ach'uhunonic?

Bible in Tzeltal de Oxchuc y Tenejapa

⁴⁶ ¿Ay bal jtuluc ja'ex ya atabonic te jmule? Teme smelelil te bi ya cale, ¿bistuc ma xach'uunbonic jiche?

San Juan 8:46 ပူးပေါင်းရင်းမြစ်များ

San Mateo 21:25

Teme ya awalbikone, ya me kalbeyex euk te tut kaꞌtel kichꞌoj ta spasel to —xchi. Jich a lijk yalbe sbaik stukelik: —Teme ya kaltik te Dios la stikon tale, ya me yalbotik: “¿Tuꞌun te ma la achꞌuunik te tuti yale?” ya me yutotik.

San Marcos 11:31

Jich a lijkik ta snopel stukelik: —Teme ya kaltik te Dios la stikon tale, ya me yalbotik: “¿Tuꞌun ma la achꞌuunik te tut la yale?”, ya me yutotik.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

San Juan 16:8

Te kꞌalal ya xtale, jaꞌ me ya yakꞌ kꞌotuk ta yoꞌtanik te genteetik ta balmilal te tut a te mulile, sok te tut lek ta pasele, sok te Dios ya xꞌilbot yaꞌtelik yuꞌune.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 8:47

Te machꞌatik yuꞌun te Diose ya yaꞌibe sluwar te skꞌop Diose. Pero ta skaj te ma yuꞌunukex te Diose, jich ma xꞌakꞌan xꞌawaꞌibeyik sluwar te skꞌope —xchi te Jesuse.

San Juan 8:7

Te tutꞌil sigue yipalik ta sjojkꞌoyele, te Jesuse jajch y la yaltalanbe: —Machꞌauk a te jaꞌexe te maꞌyuk amulike, jaꞌa wakꞌ yaꞌbe ton nailuk te antse —xchi.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Hebreos 4:15

Yuꞌun te mukꞌul saserdote kuꞌuntike ya xjuꞌ te ya snaꞌbotik yoꞌolil jbajtik te maꞌyuk kiptike, porke jich a kꞌax yuꞌun prewa euk jich tutꞌil te joꞌotike. Pero te stukele maꞌyuk a mulaw.

Hebreos 7:26

Jich yuꞌun te Jesuse jaꞌ mismo te statal saserdote te ya xtuun kuꞌuntike. Jaꞌ stukel te lek ayix ta stojol Dios, maꞌyuk smul, y makꞌ sleulanix smul. Pitil ay sok te jmulawiletike, y akꞌotix ta sba te chꞌulchane.

1 Pedro 2:22

Te Cristoe ni maꞌyuk a sle smul ni maꞌyuk machꞌa a sloꞌlay ni jtuluk.