San Juan 8:32 - Nuevo Testamento Tzeltal de Amatenango

³² Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

Bible in Tzeltal Bachajón

³² soc ya me ana'beyic sba te smelelil c'op, soc ha ya yaq'uex ta libre te smelelil c'ope, xchi.

Bible in Tzeltal de Oxchuc y Tenejapa

³² Jich me ya ana'ic te bila melele. In te bila melele, ja' ya yaq'uex ta libre —xi'.

San Juan 8:32 ပူးပေါင်းရင်းမြစ်များ

San Mateo 11:29

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 16:13

Yan te kꞌalal ya xtal te Espíritu te ya yakꞌ ta naꞌel sluwar te tut batsꞌi jiche, jaꞌ me ya yaꞌbeyex anaꞌbeyik sluwar. Porke ma stukeluk yuꞌun te tut ya yale. Jaꞌ me ya xtal yalbeyex spisil te tut yaꞌiyeje, y jaꞌ me ya yalbeyex te tut ya xkꞌot ta pasele.

San Juan 17:17

Lekutesbeya yoꞌtanik yuꞌun te tut batsꞌi jiche; te tut a te batsꞌi jiche jaꞌ te akꞌope.

San Juan 6:45

Ta sjun te jꞌalwanejetike jich ya yal: “Dios me ya spꞌijuteslanot yuꞌun ta spisilik”, xchi me. Jaꞌ yuꞌun spisil te machꞌa ya yaꞌibeyik sluwaril skꞌop te Tatile y teme la snopbeye, ya me xtalik ta jtojol.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

San Juan 8:36

Jaꞌ yuꞌun teme ya yakꞌex ta libre te Nichꞌanile, te jaꞌexe batsꞌi libre me ya xkꞌoex yuꞌun.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

1 Corintios 7:22

Yuꞌun teme ay machꞌa ay ta mosoil a te kꞌalal ikꞌot ta xchꞌuunel te Kajwaltike, te ora to libre ayix ta winikil te ya xtuuntesot yuꞌun te Kajwaltike. Y jaꞌ nax jich te machꞌa libre ay ta winikil a te kꞌalal ikꞌote, te ora to jaꞌ mosoix yuꞌun te Cristoe.

Gálatas 5:1

Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

2 Timoteo 3:7

Sil tiempo yipalik ta snopel, pero maꞌyuk tut ora ya snopik te tut batsꞌi jiche.

Santiago 1:25

Pero te machꞌa ma xchꞌay ta yoꞌtan te tut ya yaꞌiye, sino ke jaꞌ ya yakꞌ ta yoꞌtan te mantal te toje sok te ya yakꞌotik ta libree, y teme jun yoꞌtan ya xchꞌuun te tut ya yale, ben tsaꞌam slekil yuꞌun te tut ya spase.

Santiago 2:12

Ilaik me lek te tut ya awalik y ya apasik, porke Dios ya me yichꞌelex jkuenta yuꞌun te mantaliletik te ya yakꞌotik ta libree.

1 Pedro 2:16

Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.

2 Juan 1:1

Joꞌon te ansianoone, ya jtsꞌibay te karta to ta stojol te ants te tsabil yuꞌun te Diose, y sok te machꞌatik ayik ta skuentae. Batsꞌi kꞌuxex ta koꞌtan. Y ma joꞌukon nax, sino ke jich kꞌuxex ta yoꞌtanik euk ta spisil te machꞌatik te snaꞌojikix te tut batsꞌi jiche.