San Juan 8:28 - Nuevo Testamento Tzeltal de Amatenango

²⁸ Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

Bible in Tzeltal Bachajón

²⁸ Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

Bible in Tzeltal de Oxchuc y Tenejapa

²⁸ Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

San Juan 8:28 ပူးပေါင်းရင်းမြစ်များ

San Mateo 24:5

Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

San Marcos 13:6

Porke bayal me machꞌa xtal skuy sbaik ta joꞌon. Ya me yalik: “Joꞌon Cristoon”, xchiik me. Ya me xloꞌlayot bayal genteetik.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

San Juan 11:42

Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

San Juan 13:19

Nail me ya kalbeyex, yuꞌun te kꞌalal ya xkꞌot ta pasele, jich me ya xchꞌuun awoꞌtanik te yuꞌun nanix joꞌon ae.

San Juan 16:10

Sok ya me yakꞌ kꞌotuk ta yoꞌtanik te tut lek ta pasele, yuꞌun ya xboonix te baꞌ ay te jTate, y te jaꞌexe makꞌ ya awilbikonix jsit.

San Juan 18:32

Jich a kꞌot ta pasel te tut yaloj te Jesuse te tut lajelil ya xkꞌot ta skuentae.

San Juan 19:18

Teꞌ sjojkꞌanik ta krus a. Sok ay chaꞌtul te jojkꞌanot ta krus soke, juju-tul ta juju-jejch.

San Juan 3:11

Jamal ya kalbeyat, te joꞌotike jaꞌ ya kaltik te tut jnaꞌojtike, y joꞌotik testigootik yuꞌun te tut kilojtike. Pero te jaꞌexe ma xꞌachꞌuunik te tut ya kaltike.

San Juan 3:14

Jich tutꞌil te jMoises te la sjojkꞌan chan ta teꞌ te ba jojchol tꞌantꞌan luwar, jich mismo puersa me ya yichꞌ jojkꞌanel euk te Nichꞌanile,

San Juan 4:26

Te Jesuse la yalbe: —Joꞌonix abi, te ya xꞌaꞌabiyanat soke —xchi.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

San Juan 5:30

“Te joꞌone maꞌyuk tut ya xjuꞌ kuꞌun spasel ta jtukel nax. Ya kichꞌ jkuenta jich tutꞌil ya yalbon te Tatile, y toj te ya smeltsaꞌanwanone yuꞌun ma jaꞌuk ya jpas te tut skꞌan koꞌtane. Jaꞌ ya jpasbe sboluntar te Machꞌa te la stikonon tale.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 8:24

Jaꞌ yuꞌun la kalbeyex te akuchoj amulik ya xchamexe, porke teme ma xꞌachꞌuunik te batsꞌi ayon tutꞌil ya kale, akuchoj amulik ya xchamex —xchi.

San Juan 8:27

Pero ma yaꞌibeyik sluwar teme jaꞌ skꞌoplal te Tatile.

San Juan 8:58

Te Jesuse la sjakꞌtalanbe: —Jamal ya kalbeyex, te kꞌalal ma to ayuk a te jꞌAbrahame, jtalel ayonix a te joꞌone —xchi.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

Hechos 4:4

Pero bayal te machꞌatik la xchꞌuunik te tuti altalanbot yuꞌun te jPedro sok te Juane. Y pꞌol te hermanoetike, jip ajtabil a te winketike ay wan sinko mil ta jtul.

Romanos 1:4

Pero te kꞌalal chaꞌkux tal te ba animaetike ta skuenta te Chꞌul Espíritu, jamal a akꞌot ta ilel te jaꞌ Xnichꞌan Dios te aꞌbot bayal spodere.