San Juan 7:35 - Nuevo Testamento Tzeltal de Amatenango

³⁵ Te juriyoetike jich a lijk sjojkꞌobe sbaik ta juju-tul: —¿Ba ya xbajt te winik to te ma jtatik ta leel te ya yale? ¿Me yuꞌun wan ya xbajt te ba lokꞌemik bael te jlumaltik te ba griegoetike? ¿Me yuꞌun wan jaꞌ xba spꞌijutes te griegoetike?

Bible in Tzeltal Bachajón

³⁵ Te judíohetic talel c'axel la sjoc'obe sbahic: ¿Banti ya xbaht te ma ba ya jtahtique? ¿Ya bal xbaht te banti puhquemic bahel judíohetic ta yohlil te griegohetic, ya bal sp'ijubtes te griegohetique?

Bible in Tzeltal de Oxchuc y Tenejapa

³⁵ Te judioetique caj sjojc'obey sbaic: —¿Banti ya xbajt' te winic te ma jtatic ta leel ya yale? ¿Yu'un bal ya xbajt' ta banti pujq'uemic te jlumaltic ta bay yolil te griegoetique yu'un ja' ya sp'ijubtes te griegoetique?

San Juan 7:35 ပူးပေါင်းရင်းမြစ်များ

San Mateo 12:21

jaꞌ to teme yipinej yoꞌtanik spisil te nasionetike ta skuenta te abat kuꞌune”, xchi te Diose —xchi te jꞌIsaiase.

San Lucas 2:32

Ya me sakub kꞌinal yuꞌun te ba ay te yan jtejklumetike, y ay me slekilal ya xkꞌot yuꞌun te jtejklum Israel awuꞌune —xchi te mam Simeone.

San Juan 12:20

Ay griegoetik kapal sok te machꞌatik baemik ta Jerusalen ta skejanel sbaik yuꞌun te kꞌine.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

San Juan 8:22

Te juriyoetike la yalbe sbaik: —¿Me yuꞌun wan snopoj xba smil sba te ya yal te ma spas ya xbootik te ba ya xbajte? —xchiik.

Hechos 11:18

Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.

Hechos 11:20

Pero ay hermanoetik te talemik ta slum Chipre sok ta jtejklum Cirene te laj kꞌot ta jtejklum Antioquiae, y lijk yalbeyik te lek achꞌ kꞌop yuꞌun te Kajwaltik Jesus te machꞌatik ma juriyouke.

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 17:4

Ay juriyoetik te la xchꞌuunike, y la sjoyin sbaik sok te jPablo sok te Silase. Jich a xchꞌuunik bayal griegoetik te xiꞌojik te Diose. Y ben bayal antstik te lom jkꞌulejike.

Hechos 18:4

Ta jujuchoj skꞌaalel te kuxo-oꞌtane, te jPabloe bajtulan ta sinagoga. Teꞌ yalulanbe a y asta la yaꞌbe xchꞌuun te lek achꞌ kꞌop te juriyoetike sok griegoetike.

Hechos 21:21

Sok yaꞌiyojbeyik sluwar spisil te juriyoetik te aylan ta yanetik luware te ya anojpes te ma puersauk ya xchꞌuunik te tut yaloj te jMoisese, y ya awaltalanbe te makꞌ yaꞌbeyik sirkunsision te yuntikilike, sok te ma puersauk ya xchꞌuunik te kostumbre kuꞌuntike.

Hechos 22:21

Pero te Kajwaltike la yalbon: “Baan me, porke joꞌon ya jtikonat bael ta jakal ta yanetik nasion”, la yuton —xchi te jPabloe.

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

1 Timoteo 2:7

Jich yuꞌun joꞌon aꞌbilon kaꞌtel ta apostolil ta yalel te tutꞌil aye, y la yaꞌbelon kaꞌtel te ya jnopes te machꞌatik ma juriyouke tutꞌ ay ta chꞌuunel sok te tut batsꞌi jiche. Te tut ya kale batsꞌi jich, ma jlotuk.

2 Timoteo 1:11

Dios a yaꞌbon kaꞌtel ta yalel te skꞌoplal te lek achꞌ kꞌope, y la stikonon ta spukbeyel skꞌoplal y sok ta spꞌijutesel te machꞌatik ma juriyouke.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.

1 Pedro 1:1

Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.