San Juan 7:33 - Nuevo Testamento Tzeltal de Amatenango

³³ Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.

Bible in Tzeltal Bachajón

³³ La yal te Jesús: Ma ba halix c'ahc'al ya joquinex, patil ya suhtonix bahel ta banti ay te mach'a la sticonon tale.

Bible in Tzeltal de Oxchuc y Tenejapa

³³ Jich la yal te Jesuse: —Ma ba jalix c'aal te ya joinexe. Jich me ya xboon ta stojol te mach'a la sticunon tele.

San Juan 7:33 ပူးပေါင်းရင်းမြစ်များ

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

San Juan 13:1

Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 14:28

La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

San Juan 16:10

Sok ya me yakꞌ kꞌotuk ta yoꞌtanik te tut lek ta pasele, yuꞌun ya xboonix te baꞌ ay te jTate, y te jaꞌexe makꞌ ya awilbikonix jsit.

San Juan 16:28

Lokꞌemon tal ta sit te Tatile yuꞌun te talon ta balmilale, y te ora to ya jilesix te balmilale. Ya sujtonix bael ta stojol te Tatile —xchi te Jesuse.

San Juan 16:5

Pero te ora to ya xba joyinix te Machꞌa la stikonon tale. Pero ni jtuluk te jaꞌexe ya ajojkꞌobikon te ba ya xboone.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Juan 17:13

“Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

San Juan 9:4

Te tutꞌil ayotik to ta kꞌajkꞌaltike, puersa me ya jpasbe yaꞌtel te Machꞌa la stikonon tale. Yuꞌun ya xꞌijkꞌub te kꞌinale, te kꞌalal maꞌyukix machꞌa ya xꞌaꞌtej ae.