San Juan 7:32 - Nuevo Testamento Tzeltal de Amatenango

³² Te fariseoetike la yaꞌiyik te tut ya yal te gente ta stojol te Jesuse, y jaꞌik sok te statal saserdoteetike la stikonik bael polisiaetik yuꞌun templo ta stsakel tal te Jesuse.

Bible in Tzeltal Bachajón

³² Te fariseohetic la ya'iyic te hich yac yalbelic te ants-winiquetique. Ha yu'un te principal sacerdotehetic soc te fariseohetic la sticonic policiahetic ta stsaquel te Jesús.

Bible in Tzeltal de Oxchuc y Tenejapa

³² Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

San Juan 7:32 ပူးပေါင်းရင်းမြစ်များ

San Mateo 12:14

Jich te fariseoetike lokꞌik bael, ba snopik te tut ya yut ya smilik te Jesuse.

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

San Mateo 26:58

Te jPedroe jakal jakal ay kꞌael ta stsꞌakliyel asta kꞌot te ba yamakꞌul sna te statal-saserdotee. Teꞌ och bael ekꞌa, kꞌo sjoyin ta naklej te jkananetik yuꞌun te temploe, yuꞌun ya yil te tutik ya spasbot te Jesuse.

San Juan 11:46

Pero ay chaꞌoxtul te ba skꞌoponik te fariseoetike, jaꞌa kꞌo yalbeyik te tuti spas te Jesuse.

San Juan 12:19

Pero te fariseoetike lijk yalbe sbaik: —Ila awilik, ma xjuꞌix kuꞌuntik skomel. Yuꞌun spisil a bajtikix sok te Jesuse —xchiik.

San Juan 18:3

Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

San Juan 7:30

Jich yoꞌtanikuk kꞌan stsakik ta ora, pero maꞌyuk machꞌa yal skꞌab, yuꞌun ma to xkꞌot yorail a.

Hechos 5:26

Te statal jkanane sok te jkananetike laj bajt ta sleel. Pero ma yilbajinik, yuꞌun ya xiꞌ yuꞌun teme wolotal ta ton yuꞌun te gentee.