San Juan 7:31 - Nuevo Testamento Tzeltal de Amatenango

³¹ Bayal machꞌa chꞌuunot yuꞌun y la yalik: —Kꞌalal ya xtal te Cristoe, ¿me kꞌo jich wan ya yakꞌ ta ilel seña smilagro jich tutꞌil te winik to? —xchiik.

Bible in Tzeltal Bachajón

³¹ Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

Bible in Tzeltal de Oxchuc y Tenejapa

³¹ Ja'uc me to, ay tsobol mach'atic la xch'uunic soc la yalic: —Te c'alal ya xtal te Cristoe ¿c'ax to bal jich yipal señailetic ya yac' ta ilel te bit'il in winic to? —xiic yu'un.

San Juan 7:31 ပူးပေါင်းရင်းမြစ်များ

San Mateo 12:23

Spisil te genteetike cham a yaꞌiyik. Jich a lijk yalik: —¿Me jaꞌ wan te stsꞌumbal jDavid te ya jmalitike? —xchiik.

San Lucas 8:13

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

San Juan 11:45

Te juriyoetik te sjoyinejik tal te xMariae ay bayal a xchꞌuunik te Jesuse yuꞌun la yilik te tuti spase.

San Juan 12:11

porke stukel ta skaj te bayal juriyoetik ya spit sbaik lokꞌel te ba ayike yuꞌun xba xchꞌuunik te Jesuse.

San Juan 12:42

Pero bayal juriyoetik la xchꞌuunik te Jesuse sok ay a xchꞌuunik euk te statal yuꞌunike. Pero ma xyal sbaik ta jamal yuꞌun ya xiꞌik te fariseoetik yuꞌun jich makꞌ xtenot lokꞌel a te ba sinagogae.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 4:29

—Laꞌik, laꞌ ila awilik, ay jtul winik te la yalbon spisil te tut ma tsaꞌamuk jpasoje. Naꞌtik me ma jaꞌuk te Cristoe —xchi.

San Juan 4:39

Bayal te genteetik te ba jtejklum Samariae la xchꞌuunik te Jesuse yuꞌun te tutiꞌ ba yal te antse. Jaꞌ te la yale: “Spisil a yalbon te tut ma tsaꞌamuk jpasoje”, te xchie.

San Juan 6:2

Bayal gente stsꞌaklibil yuꞌun, porke la yilik te señaetik smilagro te la slekutes jchameletike.

San Juan 7:26

Ila awil ba ay yipal ta kꞌop ta sitil komon, y maꞌyuk machꞌa ay tut xba yalbe. ¿Me yuꞌun wan kꞌot ta yoꞌtanik te juꞌeletik te batsꞌi jaꞌ mismo Cristo te winik to?

San Juan 9:16

Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

Hechos 8:13

Y jich euk te Simone la xchꞌuun y la yichꞌ jaꞌ y lijk sjoyin ta beel te Felipee. Lom yajtal yoꞌtan yuꞌun te la yil mukꞌul señatik y milagroetike.

Santiago 2:26

Jich tutꞌil chamen ay jun tiꞌbalulil teme maꞌyuk xchꞌulele, jich euk chamen te xchꞌuunel-oꞌtanile teme maꞌyuk te tut juꞌem yuꞌun spasele.