San Juan 7:28 - Nuevo Testamento Tzeltal de Amatenango

²⁸ Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

Bible in Tzeltal Bachajón

²⁸ Yac ta p'ijubteswanej ta Templo a te Jesús, hich tulan la yal: Ana'beyejonic jba soc ana'ojic ban talemon. Ma jtuquel-o'tanuc talemon, pero te mach'a la sticonon tal ha smelelil, ha te ma xana'beyic sbahe.

Bible in Tzeltal de Oxchuc y Tenejapa

²⁸ Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

San Juan 7:28 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 2:23

Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

San Mateo 26:55

Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

San Lucas 10:22

Y la yal xan: —Te Jtate la yaꞌbonix entregal ta jkꞌab spisil te tutik aye. Maꞌyuk machꞌa ya snaꞌbe sluwar te machꞌa a te Nichꞌanile; jaꞌ nax ya snaꞌbe sluwar te Jtate, Sok maꞌyuk machꞌa ya snaꞌbe sluwar te machꞌa ekꞌa te Jtate; jaꞌ nax stukel te Nichꞌanil te ya snaꞌbe sluware. Sok euk te jayeb machꞌa ya yaꞌbe snaꞌbe sbae —xchi te Jesuse.

San Lucas 2:11

Tsꞌin to nax a ayin te ba slumal jDavid te jkoltawane awuꞌunike, jaꞌ te Kajwaltik Cristoe.

San Lucas 2:39

Kalal juꞌ yuꞌunik spasel spisil te tut ya yal ta smantal te Kajwaltike, jich a sujtik bael ta Galilea te ba slumalik, jaꞌ te jtejklum Nazarete.

San Lucas 2:4

Jich te Josee lokꞌ bael ta jtejklum Nazaret te ay ta estado yuꞌun Galilea. Bajt ta Belen ta estado Judea, yuꞌun jaꞌ slumal te antibo rey David, sok jaꞌ stsꞌumbal jDavid te Josee.

San Lucas 2:51

Jich te Jesuse la sjoyin sujtel ta Nazaret. Jun yoꞌtan a xchꞌuun mantal ta stojolik. Te smeꞌe la snaꞌulan ta yoꞌtan spisil te tuti kꞌot ta pasele.

San Juan 1:46

La yal te jNatanaele: —¿Me yuꞌun ay tut lek ya xlokꞌ te ba Nazarete? —xchi. Te Felipe la sjakꞌbe: —Laꞌ koꞌn kiltik awil —xyut.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 12:49

Porke ma joꞌukon jkꞌop te ya kale, ja skꞌop te jTat te la stikonon tale. Jaꞌ yalojbon mantal te tut ya kale sok te tut ya kakꞌ ta nopele.

San Juan 14:10

¿Meꞌn ma xꞌachꞌuun te jun nax ayon sok te jTate? Te tutꞌil ya kalbeyexe, ma joꞌukon jkꞌop te tut ya kale. Te jTat, te jun nax ayon soke, stukel yaꞌtel te ya spase.

San Juan 14:31

Pero puersa me jich ya xkꞌot ta pasel, yuꞌun jich me ya snaꞌbe luwar a te genteetik te kꞌux ta koꞌtan te jTate y ya jpas te tut yalojbon tal ta mantale. Jajchanik, konikik liye —xchi te Jesuse.

San Juan 16:3

Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 3:33

Pero te machꞌa ya xchꞌuune ya yakꞌ chiknajuk te tut batsꞌil jich ya yal te Diose.

San Juan 5:32

Pero ay yan te machꞌa ya yal jkꞌoplal ta testigoe, y jnaꞌoj te batsꞌi jich te jkꞌoplal te ya yal ta testigoe.

San Juan 5:43

Te joꞌone talemon ta skuenta te jTate, pero te jaꞌexe maꞌ xꞌakꞌanikon. Yan teme ay machꞌa ya xtal ta skꞌanojel yoꞌtan naxe, jaꞌ akꞌanojik stukel.

San Juan 6:42

Y la yalik: —¿Me ma wan jaꞌuk te Jesus te xnichꞌan Josee? Te joꞌotike ya jnaꞌbetik sba te state y sok te smeꞌe. ¿Tuꞌun te ya yal te ora to te koem tal ta chꞌulchane? —xchiik.

San Juan 7:14

Chꞌin ma oliluk a te kꞌine, te Jesuse och bael ta templo y lijk nojpeswanuk.

San Juan 8:14

Te Jesuse la sjakꞌtalanbe: —Te tut ya kale bale stukel, aunke joꞌon nax mismo ya kal jba. Yuꞌun te joꞌone jnaꞌoj te ba talemone y jnaꞌoj te ba ya xboone. Yan te jaꞌexe ma xꞌanaꞌik ba talemon, y ma xꞌanaꞌik ba ya xboon.

San Juan 8:16

Pero te tut ya kale, yuꞌun nanix batsꞌi jich a te tut ya kale. Porke te joꞌone ma joꞌukon nax te tut ya kale, yuꞌun jich ya yal euk te Tatil te la stikonon tale.

San Juan 8:19

La sjojkꞌobeyik: —¿Ba ay te atate? —xchiik. Te Jesuse la sjakꞌtalanbe: —Te jaꞌexe ma xꞌanaꞌbikon jba sok ma xꞌanaꞌbeyik sba te jTate. Teme ya anaꞌbikon jba te joꞌone, jich euk te jTate ya anaꞌbeyik sba —xchi.

San Juan 8:26

Ay to bayal te tut ya kalbeyexe sok skꞌoplal te awaꞌtelike. Te Machꞌa la stikonon tale batsꞌi jich te tut ya yale, y te tut ya kalbe te genteetik ta balmilale, jaꞌ mismo te kaꞌiyej tal te tut ya yale —xchi.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

San Juan 9:29

Te joꞌotike jnaꞌojtik te Dios a kꞌoponot yuꞌun te jMoisese, yan te machꞌa ya awale, ni ma jnaꞌtik ba talem —xchiik.

Hechos 17:23

yuꞌun la kil te bayuk nax luwaril chꞌuunbil awuꞌunike. La jta ta jun altar te teꞌ tsꞌibabil a: “Jaꞌ yuꞌun te Dios te ma jnaꞌbeytik sbaeꞌ, xchi. Jaꞌ yuꞌun te Dios achꞌuunejik te ma xꞌanaꞌbeyik sbae, jaꞌix te machꞌa ya kalbeyex skꞌoplale.

Romanos 1:28

Yuꞌun ma skꞌan snaꞌbeyik sba te Diose, jich a jileslanot yuꞌun te Diose, jaꞌ te puru chꞌayel te tut snopojike, yuꞌun aꞌ spas te tut ma lekuk ta pasele.

Romanos 3:4

¡Maꞌuk! Ma jichuk. Te Diose jmel nax yaloj te tut batsꞌi jiche, aunke spisil winketik ya sleik lot. Yuꞌun jich ya yal te Sjun Diose: “Jamal me ya xchiknaj te batsꞌi jich te tut ya awale, y jich me ya xjuꞌ awuꞌun te kꞌalal ya awichꞌ chapele”, xchi me.

2 Corintios 1:18

Pero Dios jaꞌ ya yaꞌiyotik te makꞌ ya kaltik ta akuentaik me “Jich” sok “Ma jichuk” te mismo tiempo ae.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Tito 1:2

te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Hebreos 6:18

Jich ay xchaꞌkajal te tutik te ma xjuꞌ xyaneje, yuꞌun maꞌ xjuꞌ ya sle lot te Diose. Jich la kichꞌtikix yip koꞌtantik te joꞌotik te la jlejtik koltayel yuꞌun Diose, y smukꞌulinej koꞌtantik te ya jmalitik te tut ya yakꞌbotike.

1 Juan 5:10

Te machꞌa ya xchꞌuun te Xnichꞌan Dios, ay ta yoꞌtan te testigo-kꞌope. Te machꞌa ma xchꞌuune, jaꞌ skuyoj ta jle-lot te Diose, porke ma xchꞌuun te testigo-kꞌop te Dios a yalbe ta skuenta te Xnichꞌane.