San Juan 6:56 - Nuevo Testamento Tzeltal de Amatenango

⁵⁶ Te machꞌa ya sweꞌ te jtiꞌbalule y te ya yuchꞌ te jchꞌichꞌele kuxulix ta jtojol, y te joꞌone jun nax ya xkuxuyinon sok.

Bible in Tzeltal Bachajón

⁵⁶ Te mach'a ya swe'bon te jbaq'uetal soc te ya yuch'bon te jch'ich'el, ya x'ayin ta jtojol soc ho'on ya x'ayinon ta stojol.

Bible in Tzeltal de Oxchuc y Tenejapa

⁵⁶ Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

San Juan 6:56 ပူးပေါင်းရင်းမြစ်များ

San Juan 14:20

Te tut kꞌaalil te jich ya xkꞌot ta pasele, te me ya anaꞌbeyik sluwaril a te jun nax ayon sok te jTate y te jaꞌexe jun nax ayotik euk.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 6:55

Porke te jtiꞌbalule batsꞌi jaꞌ weꞌelil stukel, y te jchꞌichꞌele batsꞌi jaꞌ lek ta uchꞌel stukel.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

1 Juan 2:24

Jaꞌ yuꞌun, te jaꞌexe kꞌeja ta awoꞌtanik te skꞌoplal la awaꞌiyik desde ta slijkibal to tale. Teme ayix jilel ta awoꞌtanik te tut la awaꞌiyik desde ta slijkibal to tale, jun nax ayex sok te Nichꞌanile y sok te Tatile ta jmel nax.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 4:12

Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.

Apocalipsis 3:20

Ila awil, joꞌon ayon ta kꞌop ta tiꞌ puerta. Teme ay machꞌa ya yaꞌibon te jkꞌope y ya sjeꞌ te tiꞌpuertae, ya xꞌochon ta sna y jun nax ya xweꞌon sok.