San Juan 6:45 - Nuevo Testamento Tzeltal de Amatenango

⁴⁵ Ta sjun te jꞌalwanejetike jich ya yal: “Dios me ya spꞌijuteslanot yuꞌun ta spisilik”, xchi me. Jaꞌ yuꞌun spisil te machꞌa ya yaꞌibeyik sluwaril skꞌop te Tatile y teme la snopbeye, ya me xtalik ta jtojol.

Bible in Tzeltal Bachajón

⁴⁵ Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

Bible in Tzeltal de Oxchuc y Tenejapa

⁴⁵ Jich ts'ibubil jilel yu'unic te j'alwanejetique: “Dios me ya xp'ijubtesot yu'un ta spisilic”, te xie. Spisil mach'a ya yaiybeyic stojol sc'op te Jtate soc teme tey la snop a, ya me xtal ta jtojol.

San Juan 6:45 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Marcos 1:2

Jich a kꞌot ta pasel te tutꞌil tsꞌibabil jilel yuꞌun te jꞌIsaias te jꞌalwanej yuꞌun te Diose: “Ya me jnailtes bael ta akuenta jtul jꞌalwanej kuꞌun, yuꞌun ya me spasbeyat abe.

San Lucas 1:70

Jich te tutꞌil yaloj ta stojol te antibo chꞌul jꞌalwanejetik yuꞌune

San Lucas 18:31

Te Jesuse la yikꞌ tal ta stojol te lajchaytul jnopojeletik yuꞌune y la yaltalanbe: —Te ora to ya xmootikix bael ta Jerusalen. Teꞌ me ya xkꞌot ta pasel ta stojol te Nichꞌanile, te tut la stsꞌiba jilel te antibo jꞌalwanejetik yuꞌun te Diose.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Juan 6:65

Jich la yal xan: —Jaꞌ yuꞌun la kalbeyex te maꞌyuk machꞌa ya xtal ta jtojol te manchuk ya xꞌikꞌot tal yuꞌun te Tatile —xchi.

Hechos 13:40

Kuidado me xꞌawakꞌ abaik, ma me jaꞌukex ya xkꞌot ta akuentaik te tuti stsꞌibayik jilel te jꞌalwanejetik yuꞌun te Diose te la yale:

Hechos 7:42

Jicha jileslanot yuꞌun te Diose y lijk skejan sbaik ta stojol te tutik xlemlajan ta chꞌulchane. Yuꞌun jich tutꞌil tsꞌibabil jilel ta sjun te jꞌalwanejetik yuꞌun te Diose: “Jaꞌex israeletik, ¿me joꞌon te la amilbikon chambalametik y majtaniletik te ayex kuarenta jaꞌbil ta tꞌantꞌan luware?

Efesios 1:17

Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

Filipenses 3:15

Ta jpisiltik te machꞌatik te jtaojtikix lek xchꞌuunel koꞌtantike ya me skꞌan ya jnaꞌtik te jich aye. Teme ay tut yan anopojik te jaꞌexe, Dios me ya yakꞌ anaꞌik.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

Hebreos 10:16

“Ya yal te Kajwaltike: ‘Jich ay te trate ya jpas ta patil kꞌalal ya sta skꞌaalele. Ya me kaꞌbe ta yoꞌtan te jmantaliletike y ya me jtsꞌibabe ta spensarik’, xchi me”, xchi.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.