San Juan 6:42 - Nuevo Testamento Tzeltal de Amatenango

⁴² Y la yalik: —¿Me ma wan jaꞌuk te Jesus te xnichꞌan Josee? Te joꞌotike ya jnaꞌbetik sba te state y sok te smeꞌe. ¿Tuꞌun te ya yal te ora to te koem tal ta chꞌulchane? —xchiik.

Bible in Tzeltal Bachajón

⁴² ¿Ma bal ha'uc te Jesús snich'an José, te ya jna'betic sba te sme'state? ¿Bin ut'il ay a te ya yal: Cohemon tal ta ch'ulchan? xchihic.

Bible in Tzeltal de Oxchuc y Tenejapa

⁴² Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

San Juan 6:42 ပူးပေါင်းရင်းမြစ်များ

San Marcos 6:3

Karpintero te winike, te yal te xMariae. Sok jaꞌ yitsꞌinab te Jacobe, te Josee, te Judase sok te Simone. Sok jaꞌ yitsꞌinab ekꞌa te achꞌixetike te liꞌ ayik ba koliltike, xchiik. Jich ma yakꞌik ta kuenta.

San Lucas 4:22

Spisilik lek skꞌoplal yuꞌunik te Jesuse, sok toj cham a yaꞌiyik yuꞌun te ben tsaꞌam te skꞌope. Sok la sjojkꞌobe sbaik: —¿Me ma wan jaꞌuk te xnichꞌan Jose te winik to? —xchiik.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 3:13

“Maꞌyuk machꞌa sujtem tal ta chꞌulchan, jaꞌ nax te machꞌa koem tal ta chꞌulchane. Jaꞌ bi, jaꞌ te Nichꞌanile.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 6:43

Te Jesuse jich a yaltalanbe: —Ma awaꞌbiyanik te jaꞌexe.

San Juan 6:62

¿Jal tsꞌin teme la awilik te ya xmo bael te Nichꞌanil te ba ay ta nail toe?

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

1 Corintios 15:47

Te primero winike pasot ta tsꞌubilum y tsꞌubilum nax. Y te xchebal winike jaꞌ ta skuenta chꞌulchan stukel.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.