San Juan 6:40 - Nuevo Testamento Tzeltal de Amatenango

⁴⁰ Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Bible in Tzeltal Bachajón

⁴⁰ Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

Bible in Tzeltal de Oxchuc y Tenejapa

⁴⁰ Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

San Juan 6:40 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Lucas 2:30

Porke la kilix ta sit te tutꞌil ay te jkoleltik awuꞌune.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 10:28

Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

San Juan 11:24

Te xMartae la yalbe: —Jich. Ya jnaꞌ te ya xchaꞌkux tal ta slajibal kꞌaale te kꞌalal ya xchaꞌkux tal te animaetike.

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 12:45

Te machꞌa ya yilonixe, jaꞌa yilix euk te Machꞌa la stikonon tale.

San Juan 12:50

Y jnaꞌojbe sluwar te smantal te jTate, jaꞌ te kuxlejal sbajtel kꞌinale. Jaꞌ yuꞌun te tut ya kale, ya kal te tut yalojbon tal ta mantal te jTate —xchi te Jesuse.

San Juan 14:17

jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 6:39

Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

San Juan 6:44

Ni maꞌyuk machꞌa ya xtal ta jtojol teme ma jaꞌuk ikꞌbil tal yuꞌun te jTat te la stikonon tale. Y joꞌon ya jchaꞌkuses tal ta slajibal kꞌaal.

San Juan 6:54

Te machꞌa ya sweꞌbe te stiꞌbalule sok te ya yuchꞌbe te xchꞌichꞌele, ay xkuxlejal sbajtel kꞌinal, y joꞌon ya jchaꞌkuses tal ta slajibal kꞌaal.

San Juan 8:56

Te jꞌAbraham, te antibo ameꞌ-atatike, ben jun yoꞌtan yuꞌun aꞌbot snaꞌ te ya xtalon ta balmilale. Y la yil te talone, y ben jun yoꞌtan a sujt yuꞌun —xchi.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Hebreos 11:1

Teme ay xchꞌuunel koꞌtantike, jich seguro ayotik te ya kichꞌtik te tut yipalotik ta smaliyele, sok ya jnaꞌtik te ay tutik te ma xkiltike.

Hebreos 11:27

Ta skuenta xchꞌuunel yoꞌtan, te jMoises lokꞌ bael te ba slum Egiptoe. Ni ma xiꞌ yuꞌun teme ya xꞌilin te reye, yuꞌun jaꞌ yipinej yoꞌtan te Diose, te ya sta ta ilel ya yaꞌiy aunke ma chikanuk ta ilele.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.