San Juan 6:33 - Nuevo Testamento Tzeltal de Amatenango

³³ Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

Bible in Tzeltal Bachajón

³³ como te pan yu'un Dios, ha te mach'a cohem tal ta ch'ulchan soc te ya ya'be scuxlejal mach'atic ayic ta bahlumilal, xchi.

Bible in Tzeltal de Oxchuc y Tenejapa

³³ Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 6:33 ပူးပေါင်းရင်းမြစ်များ

San Juan 16:28

Lokꞌemon tal ta sit te Tatile yuꞌun te talon ta balmilale, y te ora to ya jilesix te balmilale. Ya sujtonix bael ta stojol te Tatile —xchi te Jesuse.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 3:13

“Maꞌyuk machꞌa sujtem tal ta chꞌulchan, jaꞌ nax te machꞌa koem tal ta chꞌulchane. Jaꞌ bi, jaꞌ te Nichꞌanile.

San Juan 6:32

Te Jesuse la sjakꞌtalanbe: —Jamal ya kalbeyex, ma jaꞌuk te jMoises te la yaꞌbey te antibo ameꞌ-atatik te waj te tal ta chꞌulchane; te machꞌa ya yakꞌ te batsꞌil waj te ya xtal ta chꞌulchane, jaꞌ te jTate.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 6:41

Te juriyoetike lijk yaꞌbiyanik te Jesuse yuꞌun jaꞌ te tuti yale: “Te joꞌon wajon te koemon tal ta chꞌulchan” te xchie.

San Juan 6:48

Joꞌon wajon yuꞌun te kuxlejale.

San Juan 6:50

Pero te tut ya kal joꞌone, jaꞌ te waj te koem tal ta chꞌulchane. Te machꞌa ya sweꞌbeye makꞌ xcham.

San Juan 6:58

Jaꞌ ya kalbe skꞌoplal te waj te koem tal ta chꞌulchane. Joꞌon te waj te ma pajaluk sok te mana-waj te la sweꞌik te antibo ameꞌ-atatike. La sweꞌik pero chamik bael. Te machꞌa ya sweꞌ te waj to ya xkuxuyin sbajtel kꞌinal —xchi te Jesuse.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.