San Juan 6:29 - Nuevo Testamento Tzeltal de Amatenango

²⁹ Te Jesuse la sjakꞌtalanbe: —Te tut ya skꞌan Dios te ya apasike jaꞌ ya skꞌan ya achꞌuunik te machꞌa la stikon tale —xchi.

Bible in Tzeltal Bachajón

²⁹ La sjac' te Jesús: Ha ya'tel Dios te yac ach'uhunic te mach'a sticonej tal, xchi.

Bible in Tzeltal de Oxchuc y Tenejapa

²⁹ Te Jesús jich la yalbey: —Ja' in to: Ja' yat'el Dios teme ya ach'uunonic te ticunbilon tel yu'une —xi'.

San Juan 6:29 ပူးပေါင်းရင်းမြစ်များ

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

San Juan 6:28

La sjojkꞌobeyik: —¿Tut a te yaꞌtel Dios te ya skꞌan jpastike? —xchiik.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 6:57

Te Tatil, te la stikonon tale, ay kuxlejal yuꞌun, y jaꞌ kuxulon ta stojol. Jich mismo ekꞌa te machꞌa ya sweꞌbon jtiꞌbalul ya xkuxuyin ta jtojol.

Hechos 16:31

Te jPablo sok te Silase la sjakꞌbeyik: —Chꞌuuna te Kajwaltik Jesuse. Jich ya xkolat sok spisil te machꞌatik ay awuꞌune —xchiik.

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

Santiago 2:22

Teꞌ ya awil a te jꞌAbraham la yakꞌ ta ilel te xchꞌuunel yoꞌtan ta skuenta te tutiꞌ juꞌ yuꞌun spasele. Y ta skuenta te tutiꞌ juꞌ yuꞌun spasele, jich tsꞌakal kꞌot te xchꞌuunel yoꞌtane.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

Apocalipsis 2:26

“Te machꞌatik ya xjuꞌ yuꞌunik tsalawe y te sigue ya spasik asta ta slajibal kꞌaal te tut ya skꞌan koꞌtane, ya me kakꞌtalanbe yaꞌtel ta stojol te nasionetike,