San Juan 6:27 - Nuevo Testamento Tzeltal de Amatenango

²⁷ Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

Bible in Tzeltal Bachajón

²⁷ Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

Bible in Tzeltal de Oxchuc y Tenejapa

²⁷ Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Juan 6:27 ပူးပေါင်းရင်းမြစ်များ

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Mateo 3:17

Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

San Mateo 6:19

“Ma meꞌ xꞌatsob akꞌulejalik ta balmilal te ya xjochꞌube sok te ya stsaꞌube, sok te ba ya xꞌoch yelkꞌan te jꞌelekꞌetike.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

San Marcos 1:11

Sok ay machꞌa kꞌopoj ta chꞌulchan. Jich a yal: —Jaꞌat jnichꞌanat te jkꞌanojate. Ben tsaꞌam koꞌtan awuꞌun —xchi.

San Marcos 9:7

Y teꞌ nax koj tal tokal, jul axintesek yuꞌun. Y teꞌ ta tokale ay machꞌa kꞌopoj, jich a yal: —Jaꞌ me jNichꞌan to te ben xpich ta koꞌtane. Aꞌiybeyaik me te tut ya yale —xchi.

San Lucas 3:22

Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

San Lucas 9:35

Jich ay machꞌa kꞌopoj tal ta tokal, jich a yal: —Jaꞌ to jaꞌ Jnichꞌan te tꞌujbil kuꞌune. Aꞌibeyaik te tut ya yale —xchi.

San Juan 10:28

Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

San Juan 11:42

Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 3:15

para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal —xchi te Jesuse.

San Juan 3:33

Pero te machꞌa ya xchꞌuune ya yakꞌ chiknajuk te tut batsꞌil jich ya yal te Diose.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

San Juan 6:53

Te Jesuse la yaltalanbe: —Jamal ya kalbeyex, teme ma la aweꞌbe stiꞌbalul te Nichꞌanile, sok teme ma la awuchꞌbe te xchꞌichꞌele, maꞌyuk akuxlejalik.

San Juan 6:54

Te machꞌa ya sweꞌbe te stiꞌbalule sok te ya yuchꞌbe te xchꞌichꞌele, ay xkuxlejal sbajtel kꞌinal, y joꞌon ya jchaꞌkuses tal ta slajibal kꞌaal.

San Juan 6:58

Jaꞌ ya kalbe skꞌoplal te waj te koem tal ta chꞌulchane. Joꞌon te waj te ma pajaluk sok te mana-waj te la sweꞌik te antibo ameꞌ-atatike. La sweꞌik pero chamik bael. Te machꞌa ya sweꞌ te waj to ya xkuxuyin sbajtel kꞌinal —xchi te Jesuse.

San Juan 6:62

¿Jal tsꞌin teme la awilik te ya xmo bael te Nichꞌanil te ba ay ta nail toe?

San Juan 6:68

Te Simon Pedroe la sjakꞌ: —Kajwal, machꞌa yan ya xbootik sok, porke yuꞌun kuxlejal sbajtel kꞌinal te akꞌope.

San Juan 8:18

Jich te joꞌone, joꞌon mismo testigoon yuꞌun te tut ya kale, y te Tatil te la stikonon tale jaꞌ jtul xan testigo —xchi te Jesuse.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Romanos 4:11

Y ta patil te jꞌAbraham la yichꞌ sirkunsisione, yuꞌun jaꞌ seña te toj a ilotix yuꞌun Dios ta skuenta te xchꞌuunel yoꞌtane. Jaꞌ sluwar te jich aye. Te jꞌAbrahame jaꞌ tatil kꞌoem yuꞌun spisil te machꞌatik ay xchꞌuunel yoꞌtane, aunke me ma yichꞌojikuk te sirkunsisione. Y jich pajal ya xꞌilotik yuꞌun Dios jich tutꞌil toj ayike.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

1 Corintios 6:13

Ya awalik xan: “Te weꞌelile jaꞌ yuꞌun te jchꞌujtike y te jchꞌujtike jaꞌ yuꞌun te weꞌelile. Batsꞌi jich. Pero te Diose ya slajinbe jilel skꞌoplal ta xchebal. Pero ma me xkakꞌtik te ya xꞌantsiwe te jtiꞌbalultike. Te jtiꞌbalultike jaꞌ yuꞌun te Kajwaltike, y te Kajwaltike jaꞌ yuꞌun te jtiꞌbalultike.

1 Corintios 9:2

Ay ni machꞌa ma snaꞌ te apostolone. Pero te jaꞌexe anaojbeyik sluwar te apostolone, porke jaꞌ señaex te tutꞌil la achꞌuunik te Kajwaltike ta jkuentae.

2 Corintios 4:18

Porke ma jaꞌuk ya jtojlitik ta kꞌeluyel te tut chikan ta ilele; jaꞌ ya kiltik te tut ma chikanuk ta ilele. Yuꞌun te tutik chikan ta ilele ma xjalaj, pero te tutik ma chikanuk ta ilele sbajtel kꞌinal stukel.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Filipenses 2:13

Yuꞌun te Diose stukel me ya yaꞌbeyex te tutik lek ya anopike, y stukel ya skoltayex bael ta spasel te tut ya skꞌan yoꞌtane.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

Colosenses 2:22

Spisil te mantaletik to, jaꞌ nax skꞌoplal te tutik ya xlaj ta tuuntesel ta orae. Y jaꞌ nax smantal winik sok jaꞌ nax spensarik te gentee.

Colosenses 3:2

Nopaik me te tutik skuenta te chꞌulchane, ma jaꞌuk te tutik skuenta te balmilale.

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

2 Timoteo 2:19

Pero jun nax te kiptajibtik te yakꞌoj Dios te makꞌ xnijk stukele. Jaꞌ tsꞌibabil teꞌa: “Te Kajwaltike yiloj te machꞌatik ay ta skuentae”, xchi me. Sok “A me sjilesik mulil spisil te machꞌatik yajwalinejik te Cristoe”, xchi me.

Hebreos 12:16

Ma me ayuk jtuluk te jaꞌexe te ya apasik antsiwejele, sok ma me apꞌajik te tut yuꞌun Dios. Yuꞌun jich tutꞌil la spas te jꞌEsau te ta jun nax weꞌelil la xchon te tut ay yuꞌun te tutꞌil ba alal stukel.

Hebreos 4:11

Jaꞌ yuꞌun ya skꞌan kakꞌtik puersa te ya xꞌochotik te ba luwar yuꞌun kuxo-oꞌtane. Yuꞌun ma me machꞌa sigueuk ya yakꞌ ta ilel jich tutꞌil la spasik te machꞌatik maꞌ xchꞌuunike.

Santiago 1:11

Te kꞌalal ya xlokꞌ tal te kꞌajkꞌale te tulan ya xkꞌuxub tale, te wamale ya xtakej te xniche, ya xtꞌuxaj koel, y te stsaꞌamule ya xchꞌay. Jich me euk te jkꞌuleje ya me xchꞌay bael sok spisil te snegosioe.

1 Pedro 1:24

Porke te Sjun Diose ya yal: “Spisil gente jachik tutꞌil wamal, y te stsaꞌamule jachik tutꞌil xnich wamal. Te wamale ya xtakej, y te xniche ya xlilaj koel.

2 Pedro 1:17

La kiltik te kꞌalal te Dios Tatil la yakꞌ ta akꞌel ta jkuenta sok te stsaꞌamule. Te kꞌalal kꞌopoj te Diose, jaꞌ a yal sok stsaꞌamule: “Jaꞌ to jaꞌ Jnichꞌan te lom kꞌux ta koꞌtane. Ben jun koꞌtan yuꞌun”, xchi me.